Aayaa Sare Hussain jo beti ki god ma Noha Lyrics

Aayaa Sare Hussain jo beti ki god mai | New Noha 2026 | Ayaz Hussain Zaidi | Ayyame Fatimiya 2026-1448H | New Noha Shahdate Bibi Sakina & Mola Hussain 

آیا سر ے حسین جو بیٹی کی گود میں

Aayaa Sare Hussain jo beti ki god ma Noha Text

𝐍 𝐎 𝐇 𝐀 - 𝐋 𝐘 𝐑 𝐈 𝐂 𝐒 👇

(NOHA 2026-1448H)  

JAB LE CHUKA YAZEED MOHABBAT KA 

BABA KA SER THA OR SAKINA KI SISKIYA'

ZULMO SITAM PADAR SE VO JAB KAR CHUKI BAYA'N

BETHI ZAMI PE SER KO LIYE PHIR VO NIMJAA'N

DEKHE JO SER PE BAAP KE HER ZULM KE NISHA'N

DARBAR MAI BAPA THA QAYAMAT KA EK SAMA'N

DEKHA GHAREEB BAAP KA SER ZAKHM SE BHARA

AAYA SARE HUSSAIN JO BETI KI GOD MAI

SINE SE APNE BAAP KE SER KO LAGA LIYA 

AAYA SARE HUSSAIN JO BETI KI GOD MAI

1.

RUKSAR APNA BAAP KE CHEHRE PE RAKH DIYA

MATHE KO CHUMA OR KABHI CHUMA KATA GALA

ZAKHMO'N KO SER KE DEKH KE DIL USKA PHAT GAYA

ZULMO SITAM KI DEKH K BABA PE INTEHA

DAAMAN MAI SER CHUPA KE VO KARNE LAGI BUKA

2.

HO'NTO KI PAPDIYO PE JO HATHO'N KO RAKH DIYA

ANKHO'N SE PHIR RUKA NHI ASHKO'N KA SIL-SILA

SUKHI HUI RAGON KO JO MAZLOOMA NE CHUA

KATA GAYA HAI BAAP KA SUKHA MERE GALA

KEHTI THI CHEEKH CHEEKH KE HYE HYE YE KYA HUA 

3.

DALI JO USNE UNGLIYA BALO'N MEIN BAAP KAI

ULJHI HUI HUSSAIN KI ZULFE'N THI KHAAK SE

ASGHER KA KHOON TO KAHI CHEHRE PE NEEL THE

ROTI THI SER KO PEET KE BABA KE HAAL PE

RONE PE US YATEEMA KE HASTE THE ASQIYA 

4.

CHEHRE SE HO RHE THE SABHI ZULM YUN AAYA'N

SUJE HUE THE HONT THI SUKHI HUI ZABA'N

GALO'N PE SATH ZAKHMO'N KE ASKHO'N KE THE NISHA'N

CHEHRE KA RANG ZARD THA THI'N SURKH PUTLIYA'N

MAZLOOMIYAT PE BAAP KI TADPI VO GHAMZADA

5.

SER PURA ZAKHM ZAKHM THI KANO KI LOOW KATI

CHEHRE PE PATHTHRO KE THE BAQI  NISHA'N ABHI

HAALAT BOHOT HI GAIR THI SARWAR KE HO'NT KI

RONDA HUA GALA THA HER EK RAG KATI HUI

HAALE PADAR KO DEKH KE DIL USKA PHAT GYA 

6.

MAL-OON NE JO NAZRON SE DEKHA YE MAJRA

KARTI THI PYAR BAAP KO MAZLOOMO GHAMZADA

KEHTA THA YE YAZEED KE YE HUKM HAI MERA

BETI KO USKE BAAP SE KRDO ABHI JUDA

MUHH PER TAMACHE MAAR KE SIR USSE LE LIYA 

7.

RAKH KER LAGAN MAI SER KO VO KRNE LAGA JAFA

YAANI LABO'N PE SHEH KE CHADI  MARNE LAGA

ZALIM KA ZULM DEKH KE BOLI VO MEHLAQA

KUCH DER HI TO GOD MAI BETI KI BAAP THA

BOL AI YAZEED TUJSE KYU'N DEKHA NHI GAYA 

8.

ZALIM NE USKE SAMNE JORO JAFA JO KI

BACHCHI SITAM YAZEED KA VO KAISE BHULTI 

SACH TO YE HAI SAKINA USI WAQT MAR GYI

JIS WAQT APNE BAAP KE SER SE JUDA HUI  

US DUM AYAZ HASHR KA MANZAR BAPA HUA

AAGE KA HAAL OR KARU MAI KIS TARHA BAYAA'N

QAIDE SITAM THA OR SAKINA KI SAKHTIYA'N 

BABA SE PHIR MILI JO VO ZINDA'N MAI NATAWAA'N

EK HASHR PHIR BAPA THA QAYAMAT KA THA SAMAA'N

HAALE SITAM JO BAAP NE APNE KIYE BAYAA'N

ZINDA'N MAI GUNJTI THI SAKINA KI SISKIYA'N