Ya Fatima Zahra Noha Lyrics

Hai saare azadaron kay lab par yehi sada

Sun lijiye ay Maadar E Hasnain (as) Sadaain

Karte hain yahi saare azadar duaain

Ab ham ko bhi dikhlaiyye ay Bibi Baqiyya

Milta hai Zamane ko faqat apke dar se

Tal jain musibat ki ghatain mere sar se

Har toote hue dil ka hain bas aap sahara

Rehti hi nahi kuch bhi talab karne ki chahat

Aik pal mein hi muflis ki badal jati hai qismat 

Hojaye agar apka bas aik ishara

Afsos bulaya gaya darbar mein Bibi

Jhutla kay rulaya gaya darbar Bibi

Samjha hi Nnhi apki azmat ko zamana

Jis dar pe Nabi aate the sar apna jhuka kar

Ummat ne giraya hai usse aag laga kar

Jab dar wo gira hogaya pehlu bhi shikasta

Ummat ne sitam aap pe kia kia na kiya hai

Baba kay liye roin to rone na dia hai

Atthara baras mein hi huin ap zaeefa

 

Beti kay liye rote hain turbat mein Payambar 

Zeeshan ne Asim se Kaha socho wo manzar

Hai Malka e Konain ki turbat pe andhera