Har khta tu dar guzar kar be kaso majboor ki…
Ya ilahi! magfirat kar be kaso majboor ki!!!
Ya ilahi! karde puri az paye gous o raza…
Aarzo e deed e sarwar be kaso majboor ki!!!
Zindagi aur mot ki hai ya ilahi! kashmakash…
Jaa(n) chle teri riza par be kaso majboor ki!!!
A’aala ‘illiyeen mein ya rabb! ise dena jagah…
Ruh chal de jab nikal kar be kaso majboor ki!!!
Ya khuda! puri tamanna ho baqi e paak ki…
Azpaye hasanein o hedar be kaso majboor ki!!!
Wasita noor e muhammad ka tujhe pyare khuda…
Gor e teera kar munawwar be kaso majboor ki!!!
Aap ke meethe madeene main pye gous o raza…
Haazri ho ya nabi har be kaso majboor ki!!!
Aamina k laal!sadqa fatima k laal ka…
Dur sham e ranj o gam kar be kaso majboor ki!!!
Nafs o shaitaan galib aaye lo khabar ab jald tar…
Ya rasoolallah! aakar be kaso majboor ki!!!
Kehte rehte hain dua k waste bande tere…
Kar de puri aarzoo har be kaso majboor ki!!!
Behr e shahe karbala ho dur har aafaat o bla…
Ay habib e rabb e dawar be kaso majboor ki!!!
Aap khud tashreef laye apne bekas ki taraf…
“Aah” jab nikli tadap kar be kaso majboor ki!!!
Ay madine k musafir! tu kahani dard ki…
Un se kehna khoob jakar be kaso majboor ki!!!
Hook uthi, ruh tadapi, jab madina chut gya…
Jaan thi gamgeen o muztar be kaso majboor ki!!!
Aap ke qadmoon mein gir kar mot ki ya mustafa…
Aarzo kab aayegi bar be kaso majboor ki!!!
Nama e ATTAR mein husn e amalkoi nhi…
Laaj rakhna roz e mehshar be kaso majboor ki!!!
Comments
Post a Comment