Ummati hon ap ka Ya Rasool Allah saw, pori Ummati e Muslims ko pori Ummati e Muhammad e Mustafa ko aik zarori aur islahi paigham dena hai. Is paigham ko pori tawajo ke sath sunein aur koshish karin ke is ko pori duniya mein share bhi kijiye, aj ap ko Rasool Allah ke Ummati ka asal Kirdar kiya hai ye batana hai aur koshish karni hai Allah Taala humain bhi Is Kirdar par chalne ki Toufeeq ata farmay. Mojoda Halat ke tanazul mein hameshan baqi rahne wala ye kaam hai, Rasool Allah saw, khatimul mursaleen khatim un nabeen, aaqa ke do alam (saw) ki ghustakhiyon ka jo silsila hum tak jo pohncha hai social media ke zarye, is par ap aik fikar karin, kya ap ye samjhte hain ke ye aj ki dour ki ijad hai. je nahi aisa hargiz nahi, Nabi Pak saw ki Hayat e Taiba ke andar bhi, Arab ka Mahol aisa tha, MaazAllah, ashar mein ap ki Ghustakhiyan ki jatin, aur ye ashar kaseerul tadad mein likhe gay.
Magar Ashaba Akram Ajmaen ki Seerat aur Kirdar ye tha, Ashaba ki bargah mein jab ap tak koi bat pohnchti to ap us ko pehla jawab hazzaf karne ke dete us bat ko chupa lete, us bat ko dohrate nahi thay yaad nahi karte thay, aj ke hisab se kaho to us bat ko kisi se share nahi karte thay, ye tha Kirdar mere Rasool Allah ke Ummati ka. Aur dosra us ka jawab apne Kirdar aur apni Mohabbat se dete. Rasool Allah saw ki beadbi aur ghustakhi ka jitna bhi shor ashar mein ata Ashaba usay apne Kirdar se dafan kar diya karte thay. Aur agar main ye kahon ke wo delete kar dete thay aj ke dour ke liye. Mere kehna ka maqsad ye hai ke jitni Ghustakhiyan thi ashar mein un mein se aik lafz bhi aj tak, hum tak nahi pohncha, us ki waja Kirdar e ashaba hai, ye sab un Ummati ka Kirdar tha. Aur hum kiya karte hain, hum tak aj koi erop ki side se koi bhi khake ya Ghustakhi ki bat, to hum us ko agar bheji ja rahe hain, aisa hargiz na karin, us ko rokein, us ko hazzaf karin us ko delete karin, aur Ulma se is par rehnumai lein, ulma se mailjol rakhein un ki sobat ikhtiyar karin, aur koshish karin ke Ashaba Akram ki tarhan apne Kirdar ko karne ki koshish karin. Humain chahiye ke hum un ki Ghustakhiyan ka jawab apne Kirdar se dein, apne opar Seerat e Mustafa saw ko nafiz kar ke dekhein. Aj agar erop mein se koi bhi chingari lagara hai to hum yahan us ko share kiye ja rahe hain aisa hargiz na karin, us ko rokein, ye kaam na kisi bhi tehreek ka hai, na kisi tanzeem ka hai, na kisi firke ka hai, tamam firqon ke buton se nikal kar, is ko Ummati ban kar sochen, ke ye kaam hum sab ka hai ke hum sab Ghulam e Mustafa saw hain, aur hum sab un ke Ummati hain aur un ki ghustakhiyon ka jawab hum apne Kirdar se dein aur dosra is ko hazzaf karte rahen. Is zimadar Paigham ko dosron tak pohnchain, aur aj tak agar hum se is ghustakhiyon mein hum se koi is tarhan ka mamla howa hai to us par Allah ki bargah mein Mafi mangin aur touba bhi kijiye.
Pori duniya mein Ummati mein aman aur Imaan yaqeenan Nabi pak saw ki ghulami par amal karne se hi aey ga. Aur apna Kirdar Seerat e Mustafa par amal paish karte rahen aur apne dil ki dharkon ke sath Allah ka zikr bhi karte rahin aur dua bhi karte rahein ke Aey Allah hum sab ko Rasool Allah Saw ka Ummati rakhna aur un ke Ashaba jaisa Kirdar banane ki hum sab ko bhi toufeeq de.
 Ke Ummati Ka Kirdar Kya Hai? ){kind=link}
0 Comments