Mola Ali as ki shahadat or Imam ali as ki shahadat. 80 se zyada Jangon ka fathay akhir Masjid mein kyun Shaheed howe, Hazrat ali ki masjid mein Shahadat ka kya raaz ho sakta hai? ke 80 Jangon ka fathay ho, aur Masjid mein Shaheed ho, aur ho bhi Shere Khuda, ho bhi Kulle Imaan, ho bhi naatke Quran, ho bhi Quran ki tarhan khud furqan, magar itna bahadur ke Shere khuda ho, Mola Ali as masjid mein Shaheed ho raha hai. Mere azizo tareekh parhein to Rooh larazz jati hai, Imaan kanp jate hain, ke Kulle Imaan ko jo Momin aur munafiq ke darmiyan farq zaat hai, wo Mola ali hai, aur us par bano maiya ki hakumat ne shaam mein ye mashor kar diya, Nauzubillah Nakle Kufr, kufr na pashi, ke Mola Ali as Baghi ho gay hain, wo to Namaz ke munkir ho gay wo to namaz hi nahi parhte. Aray Jis ki Mohabbat dil mein na ho to namaz hi nahi hoti, us Imam Ali as ke bare mein ye shazashein ho rahi hain. Mola Ali as ki Shahadat Masjid mein hona is bat ki daleel thehri, ke Qayamat tak Munkarana Ali ke moun par tamacha mara gaya, ke jab bhi Shahadat e Mola Ali ka zikr ho ga, to Namaz ka zikr ho ga, aur kisi ki kiya jurrat thi ke Mola ali as ke samne aey, Imam Ali, Hazrat Ali ke samne aa kar war karta, Qaynat mein kisi maa ne koi Lal hi nahi janah tha, Mola Ali as Sajde mein thay aur phir aik Lanti ne, Jo kirae ka Qatil tha, jo bano omiya ka paltu Kutta tha, us ne aik mahene se zyada apni talwar ko zihr alud kiya, aur phir Mola Ali as par war kiya, zarbat Imam Ali as ko 19 Ramzan ko lagi, aur kamal dekhye mere Mola Ali ka, ke ibn e muljim wo Mustafa ke is kulle Imaan ke title ke Hazrat Ali as ko zarbat laga raha tha, aur mera Mola Ali us ko sharbat pela raha tha, aur ye Imam Ali as ki sagha hai. Aur jis dil mein Mola Ali as ki Mohabbat nahi hoti, ap tareekh parh ke dekhiye, chahe wo maqam e Ibrahim par khara ho, aur roze itne rakhe ke wo sokh kar chahe hadi ki manid ho jaye, aur wo namazen itni parhe ke us ki kamar mein kham aa jay, aur agar us mein Bughz e Ali ka us mein zara bhi howa, to Hazrat Muhammad e Mustafa farmate hain ke wo jahanam mein jay ga. Jab bhi Lanat karo Mola Ali as ke Qatil par to sirf ibn e munjib par na karo, balke sab ko shamil rakho ke jis ne Hazrat Ali as ke Qatil ko chopaya, jis ne Imam Ali as ke Qatal ka mansoba banaya, un sab par Lanat hai, aur ye sab Lanat ke qabil log hain, jinhon ne Mola Ali as ko Shaheed kiya. Agar kisi ko is bat ko samjhna hai ke Hazrat Ali as Kulle Quran hai, Mola Ali Naatke Quran hai, Imam Ali as Furqan hai, Quran bhi furqan hai, to phir wo Jang e Safeen ko parhe, ke Jang e Safeen mein log Quran par rahe thay, Logon ke halakon mein Quran tha, aur Shere Khuda Hazrat Ali as ne apni Zulfaqar nikali aur un ke sar tan se Juda kar diye. Mola Ali as ki Paak zaat itni Azeen zaat hai, ke tareekh kanp uthi jab ibn e manjib ne zarbat lagai, aur Mola Ali as ne farmaya, Allah ki Kasam Ali kamyab ho gaya, tareekh kanp uthi ke marne wala rah e farab bhol gaya, aur marne wala "Ammar" ho gaya. Aey Noor e Azal, aey sahb e kull, siray Ilahi sajde mein tera Sar ko jhukana bhi Ali hai, Kaabe mein wiladat to masjid mein Shahadat, Tera aana bhi Ali hai tera jana bhi Ali hai
0 Comments