ماہِ رمضان ماہِ رمضان
ماہِ رمضان ماہِ رمضان
اِس مبارک ماہ میں نازل ہوا قرآن
ماہِ رمضان ماہِ رمضان
تھے بہت غافل نمازوں کے کہاں پابند تھے
اور کلامِ پاک بھی جذدان میں ہی بند تھے
تیرے آنے سے ہمارا جاگ اُٹھا ایمان
ہرطرف محفل سجی ہےہرطرف میلاد ہیں
روشنی ہی روشنی ھے مسجدیں آباد ہیں
تیری رونق پر ہیں سب تاریکیاں قربان
پھول مہکے کھل گئیں کلیاں بہاروں کیلئے
آگیا تحفہ خدا کا روزہ داروں کیلئے
نعمتوں سےسج گیا ہرگھرمیں دسترخوان
عظمتوں والا مہینہ ہے مسلمانوں سنو
اِسکے صدقے جو خدا سے مانگنا ہے مانگ لو
رحمتیں برسا رہا ھے عرش سے رحمٰن
دیکھتے ہی دیکھتے یہ چھوڑ جائیگا ہمیں
سال بھر پھر ہر قدم پر یاد آئیگا ہمیں
یہ مہِ رمضان ہے کچھ روز کا مہمان
بارگاہِ کبریا میں ہر دعا مقبول ہے
جسکو دیکھو وہ خدا کے زکر میں مشغول ہے
اور یہ سب دیکھ کے بےچین ہے شیطان
تم نے جو مانگا خدا سے ہوگیا تمکو نصیب
دیکھنا بھوکا نا سوجائے کہیں کوئی غریب
دیکھتے رہنا نہیں ہونا کبھی انجان
آسماں پر رکھ دیا ہمکو اُٹھاکر خاک سے
تونے بندوں کوملایا ہے خدائے پاک سے
ہیں بہت ممنون تیرے زین اور ذیشان
0 Comments