Ye kehta hua doob gaya subho ka taara
Aaj uth gaya dunya se ghareebon ka sahara
Mayyat pe hussain aur hasan ka ye bayaan tha
Baba nahi dunya me toh phir koun hamara
Ye shaan toh dekhen koi allah ke ghar se
Allah ke ghar jaata hai allah ka pyaara
Unneesween ki subho qayamat se nahi kamm
Haaye sare haider hua sajde me do paara
Ali Jaisa Namazi Todta Hai Dam Musalle Par
Manaati Hain Namaze’n Murtaza Ka Gham Musalle Par
Bujhaakar Zehr Me Shamsheer Apni Ibne Muljim Ne
Lagaayi Us Ghadi Zarbat Lagaayi Ibne Muljim Ne
Aliyye Murtaza Ne Jab Kiya Kham Musalle Par
Shaqi Ne Waar Sheh Par Ain Sajde Me Kiya Aisa
Sare Haider Hua Do Neem Ubla Khoon Ka Darya
Tadapta Rehgaya Sultaane Do Aalam Musalle Par
Khuda Jaane He Himmat Kaisi Dikhlaayi Hai Shabbar Ne
Namaze Fajr Ki Takmeel Phir Bhi Kee Hai Shabbar Ne
Ali Ke Sar Se Behta Tha Lahu Paiham Musalle Par
Sada Deta Hai Koofa Keh Raha Hai Baite Daawar Bhi
Gawaahi De Rahe Hain Masjid-O-Mehraab-O-Mimbar Bhi
Hain Ab Bhi Mehwe Sajda Waarise Aadam Musalle Par
Jabee’n Sajde Me Hai Aur Zehn Me Koofa Ka Manzar Hai
Nazar Me Zaqmi Sar Hai Nauhaye Haider Labo’n Par
Ke Aansu Kar Rahe Hain Shah Ka Matam Musalle Par
Rulaati Hai Hamesha Shaahe Khaiber Geer Ki Yaade’n
Sadaa Tadpaati Rehti Hain Hame Shabir Ki Yaade’n
Namazo’n Ke Liye Aate Hain Jab Bhi Ham Musalle Par
Lahi Rehan Roye Waarise Kaaba Ki Furqat Me
Mujeeb Afkaar Ne Nauhay Padhe Roze Ki Haalat Me
Kiya Unniswee’n Ramzaa’n Ne Bhi Matam Musalle Par
Ayyam e Mola Ali as Ditha Piyu Da Lasha Lyrics New Noha 2021 Ramzan 2021
Ali Ko Chorne Wale Tera Meshar Main Kya Hoga Manqabat Lyrics In Roman Hindi
0 Comments