Hasnain(as) Ke Kaa'ndho Par Haider(as) Ka Janaza Hai !
Phir Khana-E-Zehra(saw)Main Ek Hashr Sa Barpa Hai !!
1.) Hasnain(as) Se Roo-Roo Kar Zainab(saw) Ne Kia Noha
Baba Ke Janazay Ko Tum Rok Lo Aein Bhayya
Jee Bhar Ke Kahaan Maine Chehra Abhi Dekha Hai ...
2.) Seenay Se Laga Lijye Ek Baar Mujhe Apne
Amma Bhi Nahi Jinsay Ahwaal Kahein Dil Ke
Uth Jao Mere Baba Baichain Yateema Hai !
3.) Jab Shaamay Ghareeba Main Hoga Nahi Koi Apna
Ghazi(as) Ki Jagah Dou'ngi Us Waqt Main Hi Pehra
Nusrat Ke Liyaan Baba Tab Aap Ko Aana Hai !!
4.) Baiparda Sharabi Ke Darbaar Main Jaungi
Imdaad Ke Khatir Main Phir Tumko Bulaoo'ngi
Us Waqt Tumhay Aa Kar Dena Jo Sahara Hai !!
5.) Ghash Khaa Kay Giri Zainab(saw) Kulsoom(saw) Tadapti Hai
Sadmay Se Yateemi Ke Jaa'n Sab Ki Nikalti Hai
Haidar(as) Ke Janazay Ko Jab Ghar Se Nikala Hai !!
6.) Aahista Utha'tay Hai Haidar(as) Ke Janazay Ko
Na Khoo'n Nikal Aaye Mayyat Ko Na Eizaa Ho
Zarbat Ka Laga Zakhm Baba Ko Jo Taaza Hai !!
7.) Baba Ke Janazay Ko Es Tarah Utha'tay Hai
Hai Lab Par Ali(as) Mola Or Ashq Bahatay Hai'n
Kal Maa Ka Utha Saya Ab Baap Ka Uthta Hai !!
8.) Arkaan-e-Hidayat Ko Ummat Ne Gira Dala
Uthta Hai Zamanay Se Haidar(as) Sa Sakhi Mola
Jibraee'l(as) Ke Hoontoo'n Pai Bus Ek Yeh Noha Hai !!
9.) Mursal(as)Ne Kaha La'oo Ab Dai Doo Amaanat Ko
Duniya Ne Bujhaya Hai Ek Shammay Imamat Ko
Jab Qabr Main Baitoo'n Ne Haider(as) Ko Utara Hai !!
0 Comments