Ali Na Rahey!!
Yateem Hogayi Dunya Ke Ab Ali Na Rahey..
Kise Kahegi Ye Moula Ke Ab Ali Na Rahey..
1) Wo Teghe Samm Wo Gira'n Zarb or Wo Sajdah,
Lahu Lahu Hai Musallah Ke Ab Ali Na Rahey..
2) Mahe Siyaam Ki Ikkeesvi Sehar aayi,
Jaha'n Me Hashr Hai Barpah Ke Ab Ali Na Rahey..
3) Hai Soone Mimbar o Mehrab e Masjid e Kufa,
Huwi Hai Rounaqe'n Anqa Ke Ab Ali Na Rahey..
4) Hai Teen Din Se Bohat Dil Giraftah Aale Ali,
Tasalli Deti Hai'n Fizza Ke Ab Ali Na Rahey..
5) Buland Shahare Khamosha'n Se Hai Jo Shor e Buqah,
Wo Karraha Hai Ishara Ke Ab Ali Na Rahey..
6) Ghareebo'n Bhooko'n Ki Nadaro'n Ki Nigaho'n Se,
Rawa'n Hai Ashqo'n Ka Darya Ke Ab Ali Na Rahey..
7) Farishtay Dete Hai Baitush Sharaf Pe Aa Aa Ke,
Hassan Hussain Ko Pursa Ke Ab Ali Na Rahey..
8) Nahi Hai Baaqi Wo Khursheede Moujezaat AHSAN,
Ye Kehraha Hai Andhera Ke Ab Ali Na Rahey..
0 Comments