Huwa hai sher e dawar par sitam ka waar sajde mei
Hai zakhmi do jahaan ka, maalik o mukhtar sajde mei
1. Nabi ne kehke man kunto mere mola ko jo sompi
Lahu mei tar huwi hai, aaj wo dastaar sajde mei
2. Hai sabka banda parwar jo, usi ne aaj bande se
Sahi hai zehr mei dubi huwi talwar sajde mei
3. Sadaa fuzto bi rabb e kaaba ki dekar hi haider ne
Kiya apni zafariyabi ka hai iqraar sajde mei
4. Kahi zainab ke kaano tak pohnch jaaye na ye aylaan
Huwe hai qatl haaye haidar e karrar sajde mei
5. Abhi to chadar e tatheer ka saaya hai zainab par
Na jaane kyu ali rote hai zaar o zaar sajde mei
6. Bhala zainab ki qismat par wo kyu na ashk barsaate
Nazar aaya ali ko shaam ka bazaar sajde mei
7. Payaam e bandagi kehta hai meesam se musalle par
Ali ki yaad taaza dil mei ho har baar sajde mei
0 Comments