Masjid Mai Namazi Pay Chali zulm ki Talwar
Gonji ye sada Maar e Gaye Haider e Karrar
Sunkar ye khabar Khana e kaba hai azadar
Gonji ye sada Maar e Gaye Haider e karrar
1)
Jibril ye sir peet ke karte hai munadi
Jo sub ka sahara hai usey Tegh lagadi
Lo doob gaya khoon mai ab kul ka madadgar
2)
Turbat say ye deti hai sada Fatema Zehra
Waali Ko Mere Sajda e Maabod Mai Mara
Maari bine muljim ne mere qalb pay Talwar
3)
Fariyado buka karti hai khud masjid e kufa
Zakhmi hai musalle pay pada sher khuda ka
Duniya say chala marziye dawar ka kharidar
4)
Hasnain ko seene say lagaegi yateemi
Zehra ke dulharo ko rulaegi yateemi
Bin baap ke hojaengy Abbas e alamdar
5)
Khalik ne banaya hai jisey saqiye Kausar
Nabiyon ka madadgar vo Islam ka rehbar
Khush hota tha jo dard ke maro ko hasakar
Miskino ko khana jo khilata tha barabar
Hath apna jo rakhta tha yateemo ke saro'n par
Sajde Mai osee roohey shakhawat pay hua waar
6)
Hai zainabo kulsum ke hothon pay ye naale
Baba Ko Mere EY Mere Allah Bachale
Dene ko yateemi humey taqdeer hai tayyar
7)
Rookh karke baqaiyya ki taraf roti hai Zainab
Ye kehti hai sir peet ke jaa'n khoti hai Zainab
Amma tere bacche hai masaeb mai giraftar
Waiz jo sitam masjid e kufa mai hua hai
Os zulm say akbar ka jigar kaamp raha hai
Dil rota hai wanniswi Ramzan ko harbar
Kufey Mai Gunji ye sada
Qatl hue shere khuda
Zulm namazi pay hua
Qabr Mai roye Mustafa
Sog mai hai kul ambiya
Hai ye faqeero ki sada
Royi baqi Mai sayyada
Khoon musalle pay baha
Karte hai miskeen buka
Hogai ghamghin faza
Chagai matam ki ghata
Bichne laga farshe aza
Majlis e hoti hai bapa
Padhte hai sub ye marsiya
0 Comments