HAAN WO MERA BABA THA
HAYE ALI MOLA....4
Haal is tarah se tareekh me raavi ne likha.
Dafn jab ho gaya daamade Rasool e do Sara.
Shahzade juhi ujde hue ghar ko palte.
Aayi kaano me kisi shaks ke rone ki sada.
Haaye jis simt se rone ki sada aati thi.
Shahzado'n ne usi simt jo mudkar dekha.
Dekha ek Aalam e tanhaayi hai andhiyara hai.
Aur ek bekaso naadar hai mehwe girya.
Jaake us bekaso muztar ke qareeb baith gye.
Aur farmaya ki rone ka sabab kya hai bata.
Shahzado'n ki jo shafqat bhari aawaz suni.
Wo ye bola ki mai ahwaal sunau kya kya.
Meri tooti hui himmat ko bandhane ke liye.
Roz aata tha koi aashiq e dargaahe Khuda.
Apne haatho'n se khilata tha khana mujhko.
Aur paani bhi pilata tha mujhe behre Khuda.
Aag seene me lagi hai ki Khuda khair kare.
Ho gye teen shabo roz na usko dekha.
Daasta'n bekaso nadaar ki jis waqt suni.
Us ghadi Shabbar o Shabbir ne ro ro ke kaha.
Haa wo mera Baba tha..
Haa wo mera baba tha..2
Pehlu me bithakar apne tujhe..2
Khaana jo khilata tha.
Haa wo mera baba tha..4
1-Hota hai zami se gardoo'n tak wo jiski Sakhawat ka charcha.
Raato'n ke andhere me jaakar jo sabko ghizaae'n baat ta tha.
Jo faaqa kasho ki basti me..2
Imdaad ko jaata tha.
Haa wo mera baba tha..4
2-Masjid mimbar mehraab sabhi badidaye nam fariyadi hain.
Zam Zam ka kaleja jalta hai or hillo haram fariyadi hain.
Masjid me usi ko qatl kiya..2
Kaabe me jo aaya tha..
Haa wo mera baba tha..4
3-Duniya me mere Baba ke siwa dekha na gaya aisa aaqa.
Jiske dar se koi saayel khaali na gaya aisa aaqa.
Bharta tha pet yateemo ke...2
Khud faaqe karta tha...
Haa wo mera baba tha...4
4-Tha dard jise ghamkharo'n ka us saahib e gham ko loot liya.
Allah ke ghar me zaalim ne us abre karam ko loot liya.
Mazloomo ka naadaro'n ka..2
Jo paalne wala tha..
Haa wo mera baba tha..4
5-Ahraaq kiya masnad chheeni mimbar masoom ka chheen liya.
Be deeno ne khazzaqo'n ne haq jis mazloom ka chheen liya
Ummat ke sabab chhalni chhalni...2
Ha jiska ka kaleja tha.
Haa wo mera baba tha..4
6-Bechain hain Zahra turbat me rote hain Nabi haye wa waila..
Aisi tanhaai aalam me dekhi na suni haye wa waila.
Uska to sahara koi na tha..2
Wo sabka sahara tha.
Haa wo mera baba tha...4
7-Sajde me namazi ke upar talwar chalaai zalim ne.
Wo zahar me doobi teghe sitam is tarah lagaai zalim ne.
Thaa jism lahu me dooba hua..2
Sar para para tha...
Haa wo mera baba tha..4
8-Har su tha bapa mahshar ka sama sab ahle aza jaa'n khhote the.
Us waqt Bilal e shaahe najaf sab jinno malaek rote the..
Jab binte Nabi ka shahzada..2
Ro ro ke ye kehta tha...
Haa wo mera baba tha..4
GHURBAT E ZAHRA AYYAM E FATMIYA NOHA Lyrics In Urdu, English 2021-1442
Ali Jaisa Namazi Nohay 2021 Lyrics In Roman Hindi 21 Ramzan Noha 2021 Moula Ali Noha 2021
Ayyam e Mola Ali as Ditha Piyu Da Lasha Lyrics New Noha 2021 Ramzan 2021
Ali Ko Chorne Wale Tera Meshar Main Kya Hoga Manqabat Lyrics In Roman Hindi
Comments
Post a Comment