Allah Ke Zikr Se Dori Ka Anjam
Jo log Allah ke zikr se dori ikhtiyar karte hain ya allah ka zikr nahi karte, ya jo log sirf ye samjhte hain ke Namaz parhna hi Allah ka zikr hai, aur kuch log aise bhi hote hain ke Allah ka zikr karne walon ke raste mein rukawat bante hain, jo Allah ke zikr se atraz karte hain un ka Anjam kya hai, Quran e Pak mein aise logon ka faisa hai, ke un ka Anjam kya ho ga. Allah taala Quran e pak mein farmata hai, Surah Ta-Ha, Ayat No 124, Aur jis ne mere Zikr par itraz kiya, Ya jis ne mere Zikr se Dori ikhtiyar ki, To Allah taala farmata hai ke, Beshak us ke liye tang Zindagi hai, aur hum use Qayamat ke din andha uthain gay. Muslim Sufism Sufi Saint Noor Muhammad Kulachi is ka mafhom aur tarjama kiya bayan karte hain. Jis shakhs ne mere Zikr se atraz kiya, Bas us ki Batni Rozi tang ho gai, Qayamat ke din hum us ko anda khara karein gay. Is liye Allah Taala ne bar bar Quran e pak mein Zikr ke liye kaha aur Nabi Pak saw ne Hadees e Mubarka mein Allah ke Zikr ke liye kaha hai. Hadees e Mubarka hai ke jab tum Juma ki azan suno to Duniyavi sab kam chour do, aur jitna ho sake Allah ka zikr karo, aur Kasrat se Allah ka zikr karo. Kyun ke Allah ke zikr ka maqam buland hai aur jis ne zikr se dori ikhtiyat ki us ki zindagi tang hai. Allah ne Quran e pak mein 55 bar Zikr ke liye kaha hai, aur agar hum Hadees e Mubarka ki bat karin to un ki to ginti hi nahi, ke kitni Hadees e Mubarka mein Allah ke zikr ke liye kaha gaya hai. Allah taala ne Quran e Pak mein waze bata diya hai khas tour par Muslims ke liye ke Insan ki duniya aur akhrat ki zindagi ke liye kamyabi Allah ke zikr mein hi hai. aur Insan kya hai ke Allah ke zikr se dori ikhtiyar kar ke aur duniya ke peche bhag raha hai, jab ke ye bhi janta hai ke Allah taala ne to farma diya ke ye duniya ki zindagi to fani hai aur akhrat ki zindagi kabhi na khatam hone wali hai. Aur Insan Allah ke zikr se dori ikhtiyar kar ke is fani duniya ke peche bhagta hai lakin ye nahi sochta ke us ki kamyabi sirf Allah ke zikr mein hai, aur isi Zikr ke waja se hi us ki dono jahan ki zindagi ki kamyabi hai. Jin logon ke dil ki dharkan Allah ka zikr nahi karti, wo log is duniya mein chahe jinta bhi paisa kama lein, lakin un ke dilon mein sakon nahi ho ga, kyun ke Allah ne to farma diya hai ke dilon ka sakon aur itmenan Allah ke zikr mein hai. To mere aziz dosto Allah ke zikr se dori ikhtiyar mat karo, aur akhrat ke anjam ka socho, Zikr e Qalbi yani Qalbi zikr kiya karo, apne dil ki dharkanon ke sath Allah ka zikr kiya karo, Qalbi zikr se apne dilon ko munawar karo. Allah ke zikr ki waja se apne dilon mein Allah ka Noor paida karo, aur akhrat ke anjam ka soco, aur apne dil ki dharkanon ke sath Allah ka zikr karo, apne dil ki aik tik ke sath "Allah" aur dosri tike ke sath "Hoo" mila ke parha karo, "Allah hoo, Allah hoo, Allah hoo".
0 Comments