Daimi Zikr Rooh ki Ghiza Aur Kamyabi Ki Kunji Hai: Mola Ali (as) ka Farman hai, ap farmate hain: ke Daimi zikr rooh ki ghiza aur kamyabi ki kunji hai. Farman e Mola Ali (as) ke lafzon par ghor karna hai, ke kamyabi ki kunji aur Rooh ki ghiza, do chezen farma rahe hain Rooh ki Ghiza aur kamyabi ki kunji, kis par munasir hain? Kamyabi ki kunji aur Rooh ki Ghiza depend kar rahi hain Daimi Zikr par. Daimi Zikr Kya Hai? Daimi zikr 24 ghante karne wala Zikr, Daimi zikr har lamha karne wala Zikr, ye kis tarhan mumkin hai? Ye zikr sirf Qalb hi kar sakta hai, aur Qalbi zikr or Zikr e Qalbi or Zikr e Khafi or Silent Zikr hi Daimi Zikr kehlata hai. Daimi Zikr mein yani ap jo bhi kaam kaaj karte rahein lakin ap ke dil ki dharkan Allah Allah karti rehti hai aur ap ke dil par lafz "Allah" likha nazar ata hai is ko Daimi zikr kaha jata hai. Mola Ali (as) farmate hain ye Daimi Zikr means Zikr e Qlabi, ap ki Rooh ki ghiza hai, ab Rooh ki Ghiza kya hai? Yani ke aj kal jo hum zikr kar rahe hain, jo zikr o fikar kar rahe hain ye Rooh ki ghiza hai, kyun ke Rooh bechain hai. Jab Rooh beqrar aur bechain hai to us ko kamyabi ka rasta nahi mil raha, jis ko kamyabi ki kunji de di jaye wo Rooh sakon mein chali jati hai. Rooh tak ye ghiza kaise pohnchti hain? Rooh ki ghiza noor hai, rooh ki ghiza daimi zikr hai, yani Allah ka zikr hai, aur Allah ke zikr se hi Qalb ko Noor milta hai. Ab ap ki Rooh Zikr kaise kare gi aur ap ki Rooh tak Noor kaise pohnche ga? Rooh tak noor pohnchane ka Rooh tak ghiza pohnchane ka wasila Daimi zikr hai, aur Daimi zikr, Zikr e Qlabi hai, har lamha har ghari tasawwur kiya jata hai ke dil ke opar lafz Allah likha howa hai aur phir dil ki dharkanon ke sath zikr ki takrar ki jati hai Allah hoo Allah hoo Allah hoo, jab is ki takrar se Noor paida howa to wo Rooh ki ghiza hoti hai.
Mola Ali (as) farmate hain ke agar insan ke ye pata chal jaye ke un ki duniya aur akhrat ki Kamyabi Allah ke zikr mein hai to insan kabhi bhi ek lamha bhi Zikr se ghafil na ho. To mere aziz dosto Mola Ali (as) ke Farman ko samjhne ki koshish karo, aur koshish kiya karo ke apne dil ki dharkanon ke sath Allah ka zikr kiya karo, isi ko Daimi Zikr aur Zikr e Qalbi kaha jata hai
the Video Daimi Zikr - Rooh Ki Ghiza Aur Kamyabi Ki Kunji Hai - Mola Ali (AS) Ka Farman! of the Above Lyrics
Related Post:
0 Comments