Ya Ali Ya Hussain Lyrics

 Ya Ali Ya Hussein

Allah 

Allah hee Allah 

Tu hee Tu Allah,

Allah Tu hee Tu Allah 

Jo Mohammad ka wafadar hai, Allah uska,

Karbala uski, Najaf uska, Madina uska,

Zindagi hai to bus Ali ki tarha,

Maut aye to Ya Hussain, Hussain!

Ya hussain 

Ya Ali, Ya Hussain 

Awaaz e Muhammad ka asar khatam na hoga 

Thak jayega suraj yeh safar khatam na hoga.

Ya Ali, Ya Hussain 

La raib pay Rasool ki dono hain zebo zen

Pehlu mein Ya Ali hai, to godi mein Ya Hussain

Godi mein Ya Hussain!

Loho qalam ka ilm ka sadiq hai Ya Ali

Jab tak Khuda ka mulk hai malik hai Ya Hussain

Malik hai Ya Hussain!

Yeh ilm ka dar sabr ka ghar khatam na hoga.

Thak jayega suraj yeh safar khatam na hoga 

Ye saltanat e ishq hai khuddar milengay

Salmano Abuzar say wafaadar milenge

Wafaadar milenge!

Qasim yahan Mesum say jigar taar milenge

Jinay kay liye marnay pay tayyar milengay

Tayyar milengay!

Kat jaye zaban ishq magar khatam na hoga

Thak jaayega suraj ye safar khatam na hoga 

Muslim bin e Aqeel safeer e Hussain hai

Hub e Ali hai dil mein masheer e Hussain hai

Masheer e Hussain hai!

Woh badshah aur yeh wazeer e Hussain hai

Aisa wazeer hai kay faqeer e Hussain hai

Faqeer e Hussain hai!

Ta hashr sifarat ka safar khatam na hoga.

Thak jaayega suraj yeh safar khatam na hoga

Ya Ali, Ya Hussain 

Hur ko sakhi Hussain nay aali bana diya

Aisa ke panjatan ka sawaali bana diya

Sawaali bana diya!

Nad e Ali nay isko jalali bana diya

Rumal e Fatima nay misali bana diya

Misali bana diya!

Yeh dar hai ata’aon ka yeh dar khatam na hoga.

Thak jaayega suraj ye safar khatam na hoga 

Aie meray Rabb e Jahaan

Aie Muhammad kay Khuda

Yeh Tera ishq hee tha

Jis ki parwaaz juda

Yeh Tera ishq hee tha 

Panjatan say jo mila

Ishq ka tere e safar

Ishq Haidar mein mila

Kabhi Mesum, Kabhi Miqdad o Abuzar main mila

Kabhi Salman kay dil mein, kabhi Qambar me mila

Aur maqtal main jo dekha to bahattar mein mila

Laike ishq he Tu, Tera jalwa har su 

Ay mere Rab e jahaan

Ay Mohammad ke Khuda

Ishq tunay bhi diya

Aur Muhammad Tera

Jiski chahat kay liye

Yeh jahaan khalq kiya

Woh tera ishq hi tha

Aie meray Rabb e jahan 

Ik ajab ishq huwa

Woh sare karbobala

Tera aashiq hai khara

Khoon mein duba huwa

Day chuka lakhtay jigar

Day chukka noor e nazar

De chukka sara woh ghar

Aur khanjar ke talay

Uska sajday mein hay sir

Na namazi aisi, na ashiq ka kaleja aisa

Noke neza pe bhi karta hee raha zikr Tera

Ya Ali, Ya Hussain 

Eik zulfiqaar khalq main do haath say chali

Dast e Hussain o panjae mushkil kusha Ali

Yeh Mustafa ki jaan woh Allah ka wali

Dono ka martaba bhi do alam pe he jail

Dono ka is kamaal se sajda ada huwa

Haider se ibteda huwi ya khatima huwa

Ya Ali, Ya Hussain 

Hai waqt e asr marziye parwardigar hai

Aab pushte zuljana pe maula sawaar hai

Pehlu mein khun roti huwi zulfiqaar hai

Hum rah zuljanah bhi bohot dil figaar he

Qurban zuljanah pe aur zulfiqar par

Chalte thay dono marziye parwardigar par

Ya Ali, Ya Hussain 

Jaisi woh zulfiqaar thi waisa tha zuljanah

Bachpan say saath saath hee rehta tha zuljanah

Bay misl o bay nazir tha aala tha zuljanah

Kyun kar na ho Rasool nay pala tha zuljanah

Pehla sawaar to nabiye kirdigaar hai

Aur doosra ye doshe nabi ka sawaar hai

Ya Ali, Ya Hussain 

Jite thi jab bhi sheyr chitwan hiran ki aankh

Chalta tha dekh dekh ke shahe zaman ki aankh

Parti thi yun harif pe us sab shikan ki aankh

Larzi ho jese halq me shamshir zan ki aankh

Teghaayi jispe urh kabhi baar urhte chalgaya

Wo sar gira gayi to ye lasha uchalgaya

Ya Ali, Ya Hussain 

Kehta tha zulfiqaar se ab meri jang dekh

Chal tere saath saath zara mera rang dekh

Is kaas mei laraayi ka mera bhi dhang dekh

Raah-e-hayaat fitron pe karta hoon tang dekh

Mana tu zulfiqaar hai marhab shikaar hai

Leykin ye dekh kon ye mujhpar sawaar hai

Ya Ali, Ya Hussain 

Simta jamaa urha idhar aya udhar gaya

Chamka phira Jamaal dikhaya tha har gaya

Teeron pe urh ke barchiyon mei bekhatar gaya

Bar haq kiya sabon ko saron par guzar gaya

Aya jo zad mei iski ajal aagayi usse

Is saath koi zarb zameen kha gayi usse

Ya Ali, Ya Hussain

Allah re laraayi mei shokat hussain ki

Heete wo zuljanah mei sur’at hussain ki

Qudrat baghor zad ki thi surat Hussain ki

Chehre udaas Sakina hai haybat Hussain ki

(Bole Ali Hussain)  

ho ab bhi hawaas mei

Aisi to jang ham na lare mulk-o-yaas mei

Hussain Ya Hussain 

Ayi sada-e-ghayb ke bas bas Hussain bas

Dam le hawaa mei eik nafas bas Hussain bas

Garmi se haanfta hai faras bas Hussain bas

Waqt-e-namaaz asr hai bas bas Hussain bas

Hussain Ya Hussain 

Ye sunte the hazrat jo laga pusht pe dhara

Qarboos pe tharra ke gire hazrat-e-waala

Jibreel ne qadmon se rikaabat ko nikala

Aur haathon ko garden mei yadullah ne daala

Dekha jo zuljanah ne ghash khate zeen par

Bas beyth gaya dekh ke ghutnon ko zameen par

Quran rehl-e-zeen se sar-e-farsh gir para

Dewaar-e-kaba beyth gayi arsh gir para

Hussain Ya Hussain 

Chillayi fatemah mera bacha hai be gunaah

Ay arz-e-nainawah mera bacha hai be gunaah

Ay nehr-e-alqamah mera bacha hai be gunaah

Ay zulfiqaar tu hi bachaale hussain ko

Ay zuljanah tujhse mei luti hussain ko

Hussain Ya Hussain 

Duba lahu mei lot ke aaya hai zuljanaah

Samjhi Sakina baba ko laaya hai zuljanah

Sar khaak per patak kar gira wo rahwaar

Sayyedaniyon bichar gaya mujhse mera sawaar

Jaldi utaarlo ye tabarruk ye zulfiqaar

Are kat’ta hai waa gulu-e-shahenshaah-e-naamdaar

Zahra qareeb-e-laash-e-pisar khaak urhaati hai

Are khaymon mei jaawo, lutne ko foj aati hai

Ya Hussain