Ummul Momineen Bibi Khadija Tul Kubra Ka Youm E Wisal

Jab tak Bibi Khadija Tul Kubra zinda rahen, ap Muhammad Saww ne koi dosri shadi nahi farmai, Bivi aur Zoja mein farq hai, Bivi wo hoti hai jis par dosri shadi bhi ki jaye ya tesri shadi bhi ki jay, Zoja ki infaradiyat ye hai khasiyat ye hai, ke dosri shadi nahi kar sakta insan. Prophet Muhammad Saww ne jab tak Bibi Khadija Tul Kubra salamullah alaiha zinda rahi ap ne dosra nikah nahi kiya. Jo Muhammad Saww ke liye Mubarka hain usay Khadija kehte hain, aur jab Hijab ka hukam nahi aya, tab bhi ap Hijab mein hain. Isi liye Bibi Khadija ko Qaynat Tahira ke laqab se yad karti rahi, aur Bibi Khadija Tul Kubra us waqt se ashabia hain, jab sahabia ka tasawwur bhi nahi aya tha, kyun ke us wqat abhi Islam bhi nahi aya tha. Bibi Khadija Deen ki us waqt se khidmat kar rahi hain, jab abhi Deen zahir hi nhi howa, yani elane nabuwat nahi howa, sari duniya jannat ki talib hai, aur jannat Khadija ki talib hai, Malka tul Arab Prophet Muhammad Saww ki gham gusaar Bivi, Zoja e Azeem Bivi, jo tareekh mein ap ko milta hai ke wo Baiwa thein, aur 40 sal umar thi, ye boht na insafi ki gai hai is Ummul Momineen ke sath. Ap zara tasawwur kejiye, ap zara sochiye, ke Ismat e Kubra ke Gohar ke liye Sadaf jise Khuda bana raha tha. Yani Bibi Fatima Salamullah Alaiha ki amad ke liye, jis Pak aghosh ka intakhab karna tha, Khatim ul Anbiyya, Khatim ul Mursaleen, Imam ul Musimeen, Aaqa do jahan ko kiya aik baiwa bivi ata karni thi us pak zat ne, tareekh ne boht bari khayanat ki hai is bibi ke sath, Prophet Muhammad Saww ke sath Is Shahzadi ne 24 se 25 sal guzare hain aur Prophet Muhammad saww ne bhi kabhi gawa bhi kiya ke in ki mojodgi mein meri koi dosri Bivi ho. Khadija Tul Kubra ko Zoja par inti Fazilat rahi in ko, ke Sardarul Anbiyya, Khatim ul Anbiyya ne jab Quran ki pehli vahi nazil hoi to wo bhi Prophet Muhammad Saww ne sab se pehle Bibi Khadija ko sunaya hai is se bari fazilat kiya ho gi. Ke sab se pehle Islam lane wali aurat ka Title dene wale tareekh nigaron ne ye bhi nahi socha, un ke liye to shayad ye mamoli bat thehri ke sab se pehle Islam lane wali aurat, Jis ko sab se pehle Quran Sunaya ja raha ho, pehli vahi ki raz dar banaya ja raha ho, usay Khadija Tul Kubra kehte hain. Bibi Khadija Tul Kubra salamullah alaiha ap auron mein Islam to sab se pehle lain, muarikh to ye to pata hai, usay ye nahi pata ke pori duniya, Islam ke zarye se aj tak Wazife le rahi hai, Islam wo wahid hai Khadija se wazifa leta raha. Khadija Tul Kubra salamullah alaiha jise wazifa de wo Islam e Mustafa hai, wo shariat e Mustafa Saww hai, Qaynat ki zahen tareen aurat, jo Fatima tu zahra ki maa kehlay, jo Jannati auraton ki sardar ki bhi maa ho, usay Khadija kehte hain. Jis ke nawase Hasnain tarmeen jaise hon usay Khadija kehte hain. Prophet Muhammad Saww ke sath jab Khadija Tul Kubra ka Nikah e Huq mubarak howa to ap pehle subho uthi aur 40000, dinar ki khairat ki, yateem aur maskenon ko, pochne walon ne pocha ke Bibi Khadija ye kis chez ki khairat hai, ap ne muskura ke farmaya, Hazoor ke dedaar par hazoor ke qurb par jo 40000, dinar khairat kar de usay Khadija kehte hain.