Hum Hain Hussain Wale Noha Lyrics Ameer Hasan Aamir Nohay 2026 | New Noha 2026

                             🎞V I D E O I N F O🎞

►Title - Hum Hain Hussain Wale | New Noha 2026

►Reciter - Safeer E Aza, Syed Ameer Hasan Aamir

►Poet - Kumail Akbarabadi

►Chorus - Rizwan Mirza

►Year - 2026/1448 Hijri

►Audio - ODS (Audio Mix & Master Omar Quraishi)

►Edit - Azmat Ali

►Video - ‪@AzadariChittora‬ 

►Label- Aha Records

►LYRICS:-

Hum Hain Hussain wale Noha Text

Hum Hain Hussain wale

Hum Hain Hussain wale

Hum Hain Hussain wale

Hum Hain Hussain wale

Na kal jhuke the na ab jhuke hain, na kal jhukenge Hussain wale

Khilaf-e-batil date rahe hain, date rahenge Hussain wale

Yazeed ban kar humein jhukane ki koshishein kar rahi hai duniya

Hussainiyon ko mitaye kaise, yeh sazishein kar rahi hai duniya

Magar use yeh khabar nahin hai, nahin mitenge Hussain wale

Yeh qaum woh hai ke jis ke bachchon ne maut ke zaiqe chakhe hain

Khushi se maqtal mein ja ke teghon pe apne nanhe gale rakhe hain

Na maut se aaj tak dare hain, na ab darenge Hussain wale

Hamare dushman ko yeh bata do, use yeh shayad khabar nahin hai

Qasam Khuda ki siwa Khuda ke, humein kisi ka bhi dar nahin hai

Jo Karbala ne sabaq diya hai, wahi karenge Hussain wale

Hamare dil mein jo hausle hain, faqat hain Karb-o-Bala ke dam par

Hamare seenon mein saans chalti hai bas alam ki hawa ke dam par

Utha ke parcham jari ka har imtehan denge Hussain wale

Jahan bhi zalim sitam karenge, Hussain walon se jang hogi

Qasam Khuda ki sitam garon ki, zameen un par hi tang hogi

Rahegi seenon mein saans jab tak, waga karenge Hussain wale

Hamare rehbar ko qatl kar ke jo log khushiyan mana rahe hain

Woh kis qabile ki ghalatiyan hain, yeh raaz khud hi bata rahe hain

Magar woh sun lein ke qatl ke baad bhi jeeyenge Hussain wale

Zamana bandish laga raha hai, hamare haq ko daba raha hai

Hamare upar woh bam gira kar, qaza se hum ko dara raha hai

Magar kisi bhi qaza waza se, nahin darenge Hussain wale

Yeh maut kya hai, hayat kya hai, hamare nazdeek kuch nahin hai

Humein shahadat ki justuju hai, humein shahadat pe hi yaqeen hai

Gala kata ke sina pe ja ke bhi yeh kahenge Hussain wale

Kumail o Aamir ko yeh yaqeen hai, zamana kitna bhi dam laga le

Hussain walon ke raston mein, yeh chahe barood hi bichha le

Sitam ko jab tak kuchal na denge, nahin rukenge Hussain wale