🎞V I D E O I N F O🎞
►Title - Bhai Ki Awaaz Hai
►Related - Noha Shahadat Mola Abbas Alamdar, 8 Muharram Noha, Hazrat Abbas
►Reciter - Safeer E Aza, Syed Ameer Hasan Aamir
►Poet - Akhtar Sirsvi
►Chorus - Rizwan Mirza & Team
►Year - 2025/1447 Hijri
►Audio - ODS (Audio Mix & Master Omar Quraishi)
►Video - @AzadariChittora
►Edit By - Azmat Hyder
Cover -SZRR Creative
►Productions - Aha Records
LYRICS:-
Ae Ali Akbar zara pehchaan lo, yeh to mere bhai ki aawaaz hai
Ya Elahi khair se darya pe ho, yeh to mere bhai ki aawaaz hai
Tukde tukde dil hai is aawaaz se, mujh ko milwa do mere humraaz se
Ghaur se beta Ali Akbar suno, yeh to mere bhai ki aawaaz hai
Do sahaara baap ko noor-e-nazar, is sada ne tod di meri kamar
Dasht mein “Nad-e-Ali” padhte raho, yeh to mere bhai ki aawaaz hai
Maar daalega humein bhai ka gham, kya nazar aata nahi Akbar alam
Kis liye khaamosh ho kuch to kaho, yeh to mere bhai ki aawaaz hai
Haaye woh bhi gir gaya ghoṛe se lo, Zainab o Kulsoom ki dharas tha jo
Jald us ke paas mujh ko le chalo, yeh to mere bhai ki aawaaz hai
Kaise uthega jawaan bhai ka gham, larkharaate hain Ali Akbar qadam
Barh ke do beta sahaara baap ko, yeh to mere bhai ki aawaaz hai
Kat gaye lagta hai baazu sher ke, maar daala dushmanon ne gher ke
Der ho jaaye na ab jaldi karo, yeh to mere bhai ki aawaaz hai
Kyun faza-e-Alqama ghamgeen hai, khoon se saari zameen rangeen hai
Aa rahi hai mustaqil darya se jo, yeh to mere bhai ki aawaaz hai
Muntazir hai nehr par bhai mera, raasta takta hai sheedaayi mera
Bas isi aawaaz par barhte raho, yeh to mere bhai ki aawaaz hai
Aamir o Akhtar bala ka dard tha, sunkar yeh aawaaz chehra zard tha
Fikr thi ran mein yahi Shabbir ko, yeh to mere bhai ki aawaaz hai
1111
0 Comments