Nohay 2025 | Ameer Hasan Aamir Nohay 2025 | Ahsantum Ya Hussain | New Noha Muharram 1447/2025
🎞V I D E O I N F O🎞
►Title - Ahsantum Ya Hussain
►Related - New Noha Muharram 1447/2025
►Reciter - Safeer E Aza, Syed Ameer Hasan Aamir
►Poet - Kumail Jafri
►Chorus - Rizwan Mirza & Team
►Year - 2025/1447 Hijri
►Audio - ODS (Audio Mix & Master Omar Quraishi)
►Video - @AzadariChittora
►Edit By - Azmat Hyder
Cover -SZRR Creative
►Productions - Aha Records
LYRICS:-
Neeze pe gaye jab Shah-e-Umam
Sar peet rahe the Ahl-e-Haram
Sadat mein ek bezaari thi
Kohraam tha aur gham-khwaari thi
Jab Shah ne yeh manzar dekha
Sar peet rahe hain Aal-e-Aba
Shabbir ne parh ke Bismillah
Bar nok-e-sinaan Qur’an padha
Kuch der mein phir manzar badla
Kam hone lagi maatam ki sadaa
Khush rang fizaaen chhaane lageen
Ahsan ki sadaaen aane lageen
Pohanchi jo falak tak Shah ki sadaa
Allah ne bhi khush ho ke kaha:
Ahsantum ya Hussain, ahsantum ya Hussain, ahsantum ya Hussain, ahsantum ya Hussain
Arwah mein jo waada tha, kiya woh tumne nibhaaya hai
Islam ki khaatir jangal mein, ghar apna lutaaya hai
Raazi hoon main tujh se mere wali
Ae ibn-e-Batool, ae ibn-e-Ali
Karta hoon main tera shukr ada
Ahsantum ya Hussain, ahsantum ya Hussain
Sunkar yeh sukhan Allah ke, kehte the yeh Rasool Allah
Qurbaan main tujh par sau jaan se, waah mere Hussaina waah
Bachpan mein ae mere lakht-e-jigar
Waada jo kiya tha ae dilbar
Woh tumne kiya hai aaj wafa
Ahsantum ya Hussain, ahsantum ya Hussain
Neeze ki ani par aa kar bhi, Qur’an sunaya hai
Hum jeet gaye sar de kar bhi, duniya ko bataya hai
Dekhi jo shuja’at bete ki
Aur sunkar tilaawat bete ki
Haider ki Najaf se aayi sadaa
Ahsantum ya Hussain, ahsantum ya Hussain
Zahra ne kaha ae laal tujhe tanha na karungi main
Jaayega agar tu Shaam talak, to saath chalungi main
Hai naaz bohot tujh par beta
Jo sheer pilaaya tha us ka
Kya khoob kiya hai farz ada
Ahsantum ya Hussain, ahsantum ya Hussain
Kya khoob fareeza ae bhai, anjaam diya tumne
Jo kaam na koi kar paata, woh kaam kiya tumne
Shabbir se kehte the yeh Hasan
Bas ab na karo tum ranj-o-mihan
Hai zaat tumhaari fakhr-e-Khuda
Ahsantum ya Hussain, ahsantum ya Hussain
Abbas dilawar, Aun-o-Muhammad, Qasim-o-Akbar hain
Neezon pe sar-e-Shabbir ke sang, shuhadaa ke katay sar hain
Aankhon se rawaan hain ashk magar
Hai saare shaheedon ke lab par
Hum aap pe hon har baar fidaa
Ahsantum ya Hussain, ahsantum ya Hussain
Kehte thee zameen-e-Karb-o-Bala, gumnaam zameen thi main
Lagta tha Kumail-o-Aamir,duniya pe nahin thi main
Pehchaan dilaayi Sarwar ne
Kya shaan badhaayi Sarwar ne
Ta hashr yahi hai meri sadaa
Ahsantum ya Hussain, ahsantum ya Hussain
0 Comments