Namaz Parhne Ka Sahi Tarika!!!

 

Namaz Parhne Ka Sahi Tarika, This video beautiful motivational video is Another good informative video about, Namaz Parhne Ka Sahi Tarika. Namaz, also known as Salah or Salat and also spelled prayers performed by Muslims. Aj hum bat karte hain Namaz ("Salah or Salat or Prayers") ki, Namaz ke Sahi Tarike ki,aksar log discuss karte hain ke Namaz ka sahi tarika kya hai, ke aisi Namaz parhi jaye ke Namaz drust ho jay, kyun ke Namaz ka Drust karna intahai zarori hai. Ab logon ka ikhtalaf kis bat par hota hai? Namaz mein jo logon ko ikhtalaf hota hai koi kehta hai ke hath naf par bandne chahiye, aur tarika batate hain ke (3) ungliyan aise rakho, koi kehta hai ke Namaz mein hath sene par rakho, koi kehta hai ke hath chorr do, koi kehta hai ke Namaz mein Ruku is tarhan se karo koi kis tarhan se Ruku batata hai, koi kehta hai ke Namaz mein Rafa Yadain karna hai Koi kehta hai ke Rafa Yadain nahi karna. Koi kehta hai ke ye tarika hai ke is tarhan se Namaz ada karo gay to ap ki Namaz Sahi aur Drust hogi. Mujhe sirf itna bata dein ke agar Namaz ko Drust karna hai Namaz ko Sahi karna hai, Drust ya Sahi Namaz ka matlab ye hai ke ap ki Qalbi Kaifiyat ka Rab ke sath jurr jana. Namaz se Muraad ye hai ke Namaz ke doran ap ki ilhami kaifiyat paida ho jana, Namaz ke doran hi Rab ( Allah) se guftagu ho jana, Namaz ki halat mein hi Rab (Allah) ki qurbat ka feel hona, Namaz ka drust se muraad ye hai ke aisi Namaz ada ki jay ke ankhen jo hain wo tar ho jain, ke aisi Namaz ada ki jaye ke Namaz ke doran ajzi inqasari feel ho rahi ho. Aisi Namaz Parhi jaye ke ap waswason se door chale jain, aisa Tarika kiya jay ke duniya aur Akhrat ka khayal na kiya jay balke us ka khayal rahe jis ki liye Namaz parhi jay. Aksar log kehte hain ke jab Namaz mein khare hote hain to duniya ke khayal aur waswase aa rahe hote hain, to is ka matlab ap ki Namaz Sahi Drust nahi hoi. Bazahir to ap ye soch ke khare ho gay ke Namaz mein is tarhan khare hona hai ap to bazahir drust khare ho gay lakin Dil drust nahi hai. Is liye Aaqa e Do Jahan Muhammad e Mustafa (SAW) ne farmaya: Qalb ki hazri ke baghair Namaz nahi ho gi. Jab tak dil Drust, Sahi nahi hoga, hazir nahi thehre ka Namaz ke andar, us waqt tak Namaz drust nahi ho gi. Agar ap ne Namaz parhni hai, aur Namaz ko drust karna chahte hain, Namaz ke andar tamam kaifiyat ko lana chahte hain jo Ashaba Akram ya Auliya Allah mein thin, to ye tarika dusrt ya sahi karne se pehle ap ko dil ko drust karna pare ga. Jab tak ap ka dil waswason se pak nahi hota, jab tak dil par noor se taharat nahi hoti, jab tak dil Zikr se pakiza nahi hota, Jab tak dil ka connation Rab (Allah) se jurta nahi hai, us waqt tak ap ki Namaz drust nahi ho gi. Namaz ko drust karne se Muraad hi yehi hai ke ap ki Qalbi Kaifiyat Rab (Allah) se jurr jay. Jab ap ki Qalbi Kaifiyat Allah se jurr jay, phir Namaz mein ap ki kaifiyat Allah se jurr gai aur dil saf ho gaya dil pak ho gaya, to phir ap chahe naf par hath bandh ke Namaz parho ya seene par hath bandh ke ya chahe phir ap hath chour ke bhi Namaz parho gay to phir har Tarika se hi ap Allah ke Mehboob ho. Kyun ke Allah Namaz mein jab dekhta hai to kya dekhta hai, Allah insan ka Namaz mein dil dekhta hai. Is liye Aaqa e Do Jahan Muhammad e Mustafa (SAW) ne farmaya: jis tarhan har chez ko saf karne ka aala hai isi tarhan dil ko saf karne ka aala Zikr e Ilahi hai, yani Allah ka Zikr hai to mere aziz dosto koshish kiya karo ke apne dil ki dharkanon ke sath Allah ka zikr kiya karo.