Mazloom e Karbala Tera Matam Na Kar Sake Lyrics | Ali Hasan Jafar Noha | Alwidai Noha | Alwida Noha 2021

 

Mazloom e Karbala Tera Matam Na Kar Sake | Ali Hasan Jafar Noha | Alwidai Noha | alwida noha 2021

Qidmat Ka Jitna Haq Tha Ada Hum Na Kar Sake..

Sharminda Hum Hain Mola Tera Gham Na Kar Sake.

Karna Tha Jis Tarah Se Moharram Na Kar Sake..

Alwida Ya Hussain...3

Mazloome karbala tera matam na kar sake

Jis tarha haq tha waise tera gham na kar sake...

1-Is saal sabr krke kiya ghar me shaih ka gham 

Lekin har ek sans ye khati rahi qasam

Mar jayenge Jo khulke moharram na kar sake

Mazloome Karbala Tera Matam Na Kar Sake...

2-Dil khol kar Husain pa girya nhi kia 

Aati hai hamko fatema zehra se yu haya 

Apna lahu Husain ka marham Na kar sake

Mazloome Karbala Tera Matam Na Kar Sake....

3-Bacche ye keh rahe hen sabeeleen lagayenge 

Har zayare Husain ko pani pilaayenge...

Agle Baras krenge Jo ab ham na kar sake...

ALWIDA YA HUSSAIN 

Mazloome Karbala Tera Matam Na Kar Sake....

4-Parcham utha na paye tere taziye ke sath...

Matam bhi khul ke kar nhi paye ye dono hath...

Jee khol kar in aankhon ko Purnam na kar sake..

Mazloome Karbala Tera Matam Na Kar Sake....

5-Jeene ka fayeda nhi sanse hen be asar..

Seene me dard uthne laga hai ye sochkr...

Is saal karbala ka safar ham na kar sake...

Mazloome Karbala Tera Matam Na Kar Sake....

6-Farshe aza se hamne nibhayi sada wafa...

Baccho ko hamne bech ke ki majlise aza ...

Ghurbat ke dar se gham ye kabhi kam na kar sake..

Mazloome Karbala Tera Matam Na Kar Sake....

7-Aati hai baar baar labo per yehi dua 

Allah sab wo agle Baras jaye karbala 

Jo rozaye Husain pa sar kham na kar sake

Mazloome Karbala Tera Matam Na Kar Sake....

8-Name Husain sunte he aansu nikal pade 

Majlis kahi huyi to usi samt chal pade 

Seene me dard jo tha use kam na kar sake

Mazloome Karbala Tera Matam Na Kar Sake....

9-Sab nauhakhwan zakire sarwar ye matami ...

Afsos kr rahe hen isi bat per sabhi...

Maula muaaf karna moharram na kar sake...

Mazloome Karbala Tera Matam Na Kar Sake....

10-Zinda rahe to gham ye manayenge phir ghulaam..

Warna hamari samt se hai aakhiri Salam..

Nadim rahenge kyu tera matam na kar sake..

ALWIDA YA HUSSAIN

Mazloome Karbala Tera Matam Na Kar Sake....

11-Maqta..

ABBAS " sach hai fatwo ki be had chali hawa ...

Jafar " Hasan " they ghaat me sab dushmane aza..

Ashke ghame Husain ko be dam na kar sake....

Mazloome Karbala Tera Matam Na Kar Sake....