DIL KI SADAYE’N | Ya Allah Lyrics

Ya Allah Ya Allah

Ham Sab Ka Imaan Badhaade Ya Allah

Phaili Hui Har Simt Waba Hai Dunya Me

Dehshat Ka Mahol Bana Hai Dunya Me

Har Momin Ki Jaan Bachade Ya Allah

Waasta Tujhko Mere Nabi Ke Pyaaro’n Ka

Waasta Tujhko Karbobala Ke Pyaaso’n Ka

Beemaro’n Ko Jald Shifa De Ya Allah

Bandh Hai Phir Se Har Masjid Ke Darwaaze

Phir Hain Madaras Ke Darwaazo’n Par Taale

Bigde Hue Haalat Sajaade Ya Allah

Ranjo Mehan Kj Zanjeero’n Ko Pehne Hue

Qaid Me Jo Momin Hain Musibat Sehte Hue

Ghar Waalo’n Se Unko Milaade Ya Allah

Godiyaa’n Jinki Aulaado’n Se Khaali Hain

Jinki Zabaane’n Subh-O-Masaa Faryaadi Hain

Unke Muqaddar Jald Banade Ya Allah

Dil Me Bhare Hain Shauqe Ziyarat Ke Jazbe

Dekh Loo’n Dunya Me Nazaare’n Jannat Ke

Rozaye Sarwar Tak Pahunchaade Ya Allah

Natiq Ke Ash’aar Sunaate Hain Rehan

Tera Karam Hai Teru Ataa Tera Ehsaan

In Dono Ko Is Ka Sila De Ye Allah

Ya Allah Ya Allah

Ham Sab Ka Imaan Badhaade Ya Allah