INNA LILLAHI WA INNA ILAYHI RAJI'UN LYRICS AUDIO| Nohay 2020 - 1442 | Farhan Razvi | Moharram 2020

NOUHA

Inna lillahi wa inna ilayhi raji'un (×2)

Karbo bala k ban me zahra ki ye sada hai 

Inna lillahi wa inna ilayhi raji'un (×2)

Narghe me kufiyoun ke aulad e Murtaza hai

Hamrah shahe dee(n) k namuse Mustafa hai Maidane karbala hai aur mout ki faza hai

Inna lillahi wa inna ilayhi raji'un (×2)

Haathoun me zalimoun k Talwar o teero khanjar

Us simt hain hazaroun is simt hain bahattar 

Har aik raahe haq me qurban ho raha hai

Inna lillahi wa inna ilayhi raji'un (×2)

Aun o Moahmmed apne wade nibha gaye hain

Mamu pa hoke qurbaa(n) manzil ko pa gaye hain Zainab k lab lakin shikwa hai na gila hai

Inna lillahi wa inna ilayhi raji'un (×2)

Sarko jhukaye sarwar aansu baha rahe hain 

Ibne Hasan k ran me tukde utha rahe hain Ghodoun se jisme Qasim pamal ho gaya hai

Inna lillahi wa inna ilayhi raji'un (×2)

Khaimoun se Al Atash ki awaz aarahi hai

Ammu se ab Sakina be aas ho gaee hai

Shane kata k ghazi darya pa so gaya hai

Inna lillahi wa inna ilayhi raji'un (×2)

Kadiyal jawa(n) ka marna Maa Baap ki qaza hai

Laila pa farte gham se sakta sa cha gaya hai Naiza jigar pa kha kar Akber jo chal basa hai

Inna lillahi wa inna ilayhi raji'un (×2)

Chakkiyan pees kar jis bete ko mai ne pala

Uske gale pa khanjer zalim ne phair dala Aur jism uska ran me pamal kar diya hai

Inna lillahi wa inna ilayhi raji'un (×2)

Manzer baya(n) Aqeel aur Farhan se ho kaise

Kata gala tha jiska ek teer e Hurmala ne

Masoom wo lahad me phir zibha ho raha hai

Inna lillahi wa inna ilayhi raji'un (×2)