Manqabat Lyrics
AMEER E KARBALA DUNIYA MAIN AAYA HAI
AZADARO NE GHAR APNA SAJAYA HAI.
1. Musalmano haqiqat ko zara samjho. Sukoon ke saath baitho soch kar bolo. Hamari mehfilon par motariz kyun ho. Hussaini jashn nabion ne manaya hai.
2. Muqaddar bante hain is dar pa hi sabke. Ataon ke guhar sayel pa yu barse. Mile fitrus ko par Rahib ko bhi bete. Dare sarwar se khali kon aya h
3. Badalte hain sitare sabki qismat ke. Aza se isqadar mazboot hain rishte. Malak behr e tawaf aate hain jannat se. gham e sheh ne ye ghar kaba banaya hai.
4. Nigah e noor main saari khudaai hai. Ye sardaari farishton ne jo paayi hai. Jo ab jibreel ki rab tak rasaai hai. Bht shabbir ka jhoola jhulaya hai.
5. Lab e sahil pohnchta hai safeena bhi. Wafa ka usko milta hai khazeena bhi. Duwaay deti hain usko sakina bhi. Alam abbas ka jisne uthaya hai.
6. Bulandi dhoondti h aj bhi usko. Nahi bhata hai takhto taaj Bhi usko. Hilal Ahsan mili meraj bhi usko. Dare sarwar pa jisne sar jhukaya hai.
0 Comments