15 Shaban Manqabat 2021 | Areeza | Imam Mehdi Manqabat 2021

Al Ajal Ya Imam۴ Al Ajal Ya Imam۴

Rad Hongi Idhar Chahne Walo Ki Balaye'n 
Maula Jo Udhar Dekh Le'n Ek Baar Areeza  
Zanjeere Mohabbat Me Giraftaar Areeza..
Jaata Hai Sue Maaliko Mukhtar Areeza..

Sunta Hu Ki Chumega Ye Maula Ke Qadam Ko..
Is Waste Chooma Hai Kayi Bar Areeza..

Ye Mamlakate Fatima Zahra Me Rahega...
Hai Aale Mohammad Ka Namakkhwar Areeza.

Ek Lafz Bhi Paani Me Ye Mitne Nahi Deta. 
Likhta Hai Jab Ashko Se Azadaar Areeza..

Padhta Hai Ye Maujo'n Ki Bulandi Pe Qaseede..
Lagta Hai Mujhe Meesame Tammar Areeza..

Lafzo'n Ke Bhi Par Hote Hain Ye Raaz Khula Aaj..
Is Paar Agar Mai Hu To Us Paar Areeza..

Hai Qatile Mohsin Ki Agar Dil Me Murawwat..
Mat Likhna Khabrdar Khabrdar Areeza..

Mas Parchame ABBAS۴ E Dilawar se Kiya Hai, 
Paani Na Piyenga Ye Wafadar Areeza.. 

Dariyao'n Ke Seeno Me Bana Lega Ye Rasta..
Hai Saare Areezo Ka Alamdar Areeza..

Bigdi Hui Taqdeer Bana Dijiye Mola..
Hai Hur Ke Ghulamo Ka Tarafdaar Areeza..

Is Daure Musibat Me Jo Duniya Se Mile Hain..
Le Jata Hai Us Dard Ka Akhbar Areeza..

Betab Ye Hur Banke Chala Hai Sue Khizra
Hai Fitruse Bepar Sa Samjhdar Areeza..