Teera Rajab ko kaaba bola aaya mera Sardaar, Ali(as) Maula
YuN hii hamesha hasti rahegi ab meri diwaar, Ali(as) Maula
Uski Wiladat hai jo Khuda ka deen bachayega
Kaabe ke andar jo buT hai, unko haTaega
Kehta hai Islam mera ab hoga beDa paar, Ali(as) mola
Sher e Khuda damaad e payambar (saw) usko kehte hai
Aql ke andhoN jaanlo Haider(as) usko kehte hai
Arshe Bari se bheji Khuda ne jiske liye Talwar, Ali(as) mola
Haider(as) ki talwaar se koi Baagh nahi pata
Jo Momin hai zarb e Ali(as) ke zadd mei nahi aata
Bachta nahi hai koi bhi kafir karte hai jab waar,Ali(as) mola
Hai mashhoor woh jab bhi jis maidaan mei jaate the
Mere Maula jab jab apni tegh chalaate the
Dushman hoo jaate the Ek ke do aur do ke chaar,Ali(as) mola
Naade Ali paDte the Nabi(saw) jab jang e khaiber mei
Kehne laga lashkar se Alam tab jang e Khaiber mei
Untalis din baad Mila hai mujhko mera haqdaar, Ali(as) mola
Tham gayi nobat, chup hai khanjar, maidaN hai khamosh
Maut ke mathe par hai paseena, uDne lage hai hosh
Tegh e Ali ki jhoong rahi hai khaiber mei jhankaar, Ali(as) mola
Jiske dar par aake farishte sar ko Jhukaate hai
Bhiik JahaaN se jinn o Malak sab leke jaate hai
Uski khidmat mei hai Raza yeh sab mere ash’aar , Ali(as) mola
