Bataau’n kaise ke kya hai zahra
Ali ki mushkil kusha zahra
Tumhari tazeem ke liye to
Rasool bhi uth gaya hai zahra
Barhi hai abbas ki fazeelat
Jo tumne beta kaha hai zahra
Shifa naboowat ne jis se paayi
Woh aap ki hi rida hai zahra
Bina sawaal o jawaab jannat
Ye khaas hum per ata hai zahra
Khuda khafa hai nabi khafa hai
Agar kisi se khafa hai zahra
Janaab e maryam ne khud kaha hai
Tumhara rutba bara hai zahra
Karim or Arsalan par bhi
Karam tumhara raha hai zahra
0 Comments