Aapke Dar Se Bada Ya Sayyada Kuch Bhi Nahi | New Manqabat Sayyada Fatima 2021

Lyrics 

Aapke Dar se BaDa ya Sayyada kuch bhi nahiN

Aapka dar jisne choDa uska Kya ? Kuch bhi nahi 

Chahe jitna Fatema ke qatiloN ke naam mei

Tum Razi Allah joDo faida kuch bhi nahiN 

Jab talak hai aapki chaadar ka hum par saaebaaN

Kya bigaDegi yeh dunya ki hawa kuch bhi nahiN 

Usse raazi hoo nahi sakti janaab e Fatema 

Apni maadar ke liye jisne kiya kuch bhi nahi  

Hai Amanat Fatema Zahra ki yeh farshe Aza

Iska uska kuch nahiN tera mera kuch bhi nahiN 

Aashiq e Sarwar bana,rumaal e Zehra mil gaya 

Hurmala aur Hur mei warna fark tha kuch bhi nahiN 

Unpe laanat unke jaiso par bhi laanat beshumaar 

Zulm jo kehte hai Zahra pe huwa kuch bhi nahiN 

Turbat e Zahra pe main dil khool ke matam karu

Hai Raza iske Siva meri dua kuch bhi nahiN