MUJRAI KHALQ ME LYRICS URDU

Nohay 2026 MUJRAI KHALQ ME Mirza Hasan Mujtaba Qadeem Salam | Asad Amanat Ali Khan Soz Salam

______________________________________

MUJRAI KHALQ ME  LYRICS

شاعری

مجرئی خلق میں ان آنکھوں نے کیا کیا دیکھا 

پر کہیں سبطِ پیمبر سا نہ آقا دیکھا 

ظلم اے مجرئی سجاد نے کیا کیا دیکھا 

گھر لٹا قید ہوئے باپ کا لاشہ دیکھا 

بے ردا خلق نے اس بی بی کے سر کو دیکھا 

جس کی مادر کا کسی نے نہ جنازہ دیکھا 

میں نے دیکھا علمِ شاہ کو آلودہِ خوں 

میں نے عباس کو بے جاں لبِ دریا دیکھا 

میں نے دیکھا علی اصغر کا گلا خون میں تر 

میں نے زخمی علی اکبر کا کلیجہ دیکھا 

میں نے دیکھا شہِ مظلوم کو خنجر کے تلے 

میں نے نیزے پہ سرِ دلبرِ زہرا دیکھا 

ایک گٹھری شہِ دیں پشت پہ لائے اس میں 

میں نے ٹکڑے ہوئے قاسم کا سراپا دیکھا 

گر پڑے سبطِ نبی تھام کے ہاتھوں سے جگر 

علی اکبر کو جو ریتی پہ تڑپتا دیکھا 

کہتی تھیں زینبِ مضطر کے خدا خیر کرے 

رات کو خواب میں عریاں سرِ زہرا دیکھا 

بانو رو دیتی تھیں منہ ڈھانپ کے اصغر کے لیے

کسی عورت کی جو آغوش میں بچہ دیکھا 

پھر گیا آنکھوں میں شہ کا رخِ پُر خوں مونس 

جب کہیں مقتل شبیر کا نقشہ دیکھا

میر مونس رح

________________________________