Ghusl kay 3 faraa`iz
1. Kulli karna.
2. Naak may pani charrhana.
3. Tamam zaahiri badan par pani bahana.
1. Kulli karna
Munh may thorra sa pani lay kar pach kar kay daal daynay ka
naam kulli nahin balkay munh kay har purzay, goshay, hont
say halq ki jarr tak har jagah pani bah jaye. Isi tarah darrhon
kay peechay galon ki tah may, danton ki khirrkiyon aur jaron
aur zaban ki har karwat par balkay halq kay kanaray tak pani
bahay. Rozah na ho to ghargharah bhi kar lijiye kay Sunnat
hay. Danton may chaliyah kay danay ya boti kay rayshay
waghayrah hon to un ko chhurrana zarori hay. Haan agar
chhurranay may zarar (ya’ni nuqsan) ka andayshah ho to
mu’af hay, ghusl say qabl danton may rayshay waghayrah
mahsoos na huway aur rah gaye Namaz bhi parrh li ba’d ko
ma’loom honay par chhura kar pani bahana farz hay, pahlay jo
Namaz parrhi thi woh ho gaey. Jo hilta dant masalay say jamaya
gaya ya taar say baandha gaya aur taar ya masalay kay neechay pani
na pohancha ho to mua’f hay.
Jis tarah ki aik kulli ghusl kay liye farz hay isi tarah ki 3
kulliyan Wuzu kay liye Sunnat hayn.
2. Naak may pani charrhana
Jaldi jaldi naak ki nook par pani laga laynay say kaam nahin
chalay ga balkay jahan tak narm jagah hay ya’ni sakht haddi
kay shuru’ tak dhulna laazimi hay. Aur yeh yun ho sakay ga
kay pani ko songh kar opar khaynchay. Ye khayal rakhye kay baal
barabar bhi jagah dhulnay say rah na jaye warnah ghusl na ho ga.
naak kay andar agar reenth sokh gai hay to is ka chhurana farz hay,
neez naak kay balon ka dhona bhi farz hay.
3. Tamam zaahiri badan par pani bahana
Sar kay balon say lay kar paoon kay talwon tak jism kay har
purzay aur har har rongtay par pani bah jana zaroori hay, jism
ki ba’z jaghayn aysi hayn kay agar ihtiyat na ki to woh sokhi
Comments
Post a Comment