Teen bhadur bhai

 Teen bhadur bhai 

Hazrat-e-A’llamah Abu-l-Faraj ‘Abdul-ur-Raman bin Juzi 

‘Oyon ul hikayat mai naql kartey hain: 3 shami ghur 

sawar bahadur nojawan bhai Islami lashkar key sath jihad per 

rawana hoey lekin wo lashkar sey alag ho kar chaltey or paraao 

daltey they, or jab tak kuffar ka lashkar un per hamley mai 

pehel na karta wo laraae mai hisa nahe letey the, aik martaba 

romio ka aik bara lashkar musalmanoo per hamla aawar hoa or 

kaee muslamanoo ko shaheed or mut’adad ko qaidi bana lia. 

Ye Bahi aaps mai kehney lagey: Musalmanoo per aik bari 

musibat nazil ho gae hai ham per lazim hai key apni janoo ki 

parwa kie bigair jang mai kood paren, ye aagey barhe or jo 

musalman baqi bachey the un sey kehney lagey: Tum hamarey 

pichey ho jao or hamey un sey muqabla karney do, ager Allah 

ney chaha to ham tumharey lie kafi hon gey, ye romi 

lashker per tot parey or romio ko pichey hatney per majboor 

kar dia, romi badsha (jo in teeno ki bahadri ka manzer dekh 

raha tha) apney aik jarnail sey kehney laga: jo in mai sey kisi 

nojawan ko gariftar kar key laey ga mai usey apna muqarab or 

sipah salar bana don ga, romi lashker ney ye e’alan sun kar 

apni janey lara deen or aakhir kar in teeno bahiyon ko bigair 

zakhmi kie gariftar karney mai kamyab ho gae, romi badshah 

bola: in teenoo sey barh kar koi fatha or mal-e-ganeemat nahe, 

phir us ney apney lashkar ko rawangi ka hukm dia or in teenoo 

bhaiyon ko apney sath darulsaltanat qustuntunya ley aaya or 

bola: ager tum islam tark kar do to mai apni betiyon ki shadi 

tum sey kar don ga or aayanda badshahat bhi tumharey 

hawaley kar don ga, in bhayon ney Eman per sabit qadami ka 

muzahra kartey hoey is ki ye peshkash thukra di or Sarkar-eMadina 

ko pukara or Aap 

sey 

istigasa (y’ani faryad ki) badshah ney apney darbariyoon sey 

pocha: ye kia keh rahey hain? darbariyoon ney jawab dia: ye 

apney nabi ko pukar rahey hain, badshah ney in bhaiyon sey 

kaha: Ager tum ney meri bat na mani to mai teen degoon mai 

tail khoob karkara kar teenoo ko aik aik deg mai phinkwa don 

ga, phir us ney tail ki 3 degey rakh kar un key nichey 3 din tak 

aag jalaney ka hukm dia, her din un 3 bhaiyon ko in degoon 

key pas laya jata or badshah apni peshkash in key samney 

rakhta key islam chor do to mia apni betiyoon ki shadi bhi tum 

sey kar doon ga or aayanda badshahat bhi tumharey hawaley 

kar don ga, ye teeno bhai her bar Eman per sabit qadam rahey 

or badshah ki is pashkash ko thukra dia, 3 din key bad badshah 

ney bare bahi ko pukara or apna mutalba dohraya, is mard-emujahid ney inkar kia, badshah ney dahmki di mai tujhey is 

deg mai phikwa don ga, lekin us ney phir bhi inkar he kia, 

aakhir badshah ney tesh mai aa kar isey deg mai dalney ka 

hukm dia jesey he us nojawan ko kholtey hoey tail maid dala 

gaya, aanan fanan us ka sab gosht post jal gaya or is ki hadyaan 

ooper zahir ho gaen, badshah ney dosrey bhai key sath bhe isi 

tarha kia or usey bhi kholtey tail mia pikhwa dia, jab badshah 

ney is qadar karey waqt mai bhe islam per in ki istiqamat or in 

hoshroba masaib per saber dekha to nadim ho kar apney aap 

sey kehney laga: mai ney in (muslamano) sey ziada bahadur 

kisi ko na dekha or ye mai ney in key sath kia kiya? phir us ney 

chotey bhai ko laney ka hukm dia or usey apney qareeb kar key 

mukhtalif heley bahano sey wargalaney laga lekin wo nojawan 

is ki chalbazi main na aaya or is key paaey sabat mai zarra 

barabar lagzish na aae, itney mai is ka aik darbari bola: ay 

badshah ager mai isey phusla doon to mujhe in’aam mai kia 

miley ga? Badshah ney jawab dia: mai Tujhe apni foj ka 

sipasalar bana don ga, wo darbari bola mujhe manzoor hai 

badshah ne daryaft kia tum isey kesey phuslao ga? darbari ney 

jawaban kaha ay badashah tum janatey ho key ahle arab 

oratoon mai bohat dilchaspi rakhtey hain or ye bat sarey romi 

jantey hain key meri Fulani beti husn o jamal mai yakta hai or 

porey rom mai us jesi haseena or koi nahe, tum is nojawan ko 

merey hawaley kar do mai isey apni us beti ko tanhaae mai 

yakja kar don ga or wo usey phuslaney mai kamyab ho jaey gi, 

badshah ney us darbari ko 40 din ki muddat di or is nojawan 

ko is key hawaley kar dia, wo darbari isey ley kar apni beti key 

pas aaya or sara majra usey keh sunaya, larki ney bap ki bat per  

amel pera honey per rizamandi ka izhar kia, wo nojawan us 

larki key sath is tarha rehney laga key din ko roza rakhta rat 

bhar nawafil mai mashgool rehta, yahan tak key muqarrarah 

muddat kahtam honey lagi to badshah ney us larki key bap sey 

nojawan ka hal daryaft kia, us ney aa kar apni beti sey pocha to 

wo kehney lagi key mai usey phuslaney mai nakam rahi ye 

meri taraf maa il nahe ho raha shayad is ki waje ye hai key is 

key dono bhai is sheher mai marey gaey or un ki yad isey satati 

hai lihaza badshah sey muhlat mai izafa karwa lo or ham dono 

ko kisi or sheher mai ponhcha do, darbari ney sara majra 

badshah ko keh sunaya , badshah ney muhlat mai izafa kar dia 

or un dono ko dosrey sheher ponhchaney ka hukm dey dia, wo 

nojawan yahan bhi apney m’amool per qaaim raha y’ani din 

mai roza rakhta or rat bher ‘ebadat mai masroof rehta, yahan 

tak key jab mohlat khatam honey mai 3 din reh gaey to wo 

larki betabana us nojawan sey arz guzar hoe: mai tumharey 

deen mai dakhil hona chahti hon or yon wo muslaman ho gae, 

phir unho ney yahan sey firar honey ki tarkeeb banaae wo larki 

astabal sey 2 ghorey laae or us per sawar ho kar ye Islami 

saltanat ki taraf rawana ho gaey, aik rat unho ney apney pichey 

ghoron ki tapoon ki aawaz suni, larki samjhi key romi sipahi 

un ka picha kartey hoey qareeb aa pohnchey hain, is larki ney 

nojawan sey kaha: Aap us rab se jis per mai Eman la chuki hon 

doa kijea key wo hamey hamarey dushmanoo sey najat ata 

farmaey, nojawan ney palat kar dekha to hairan reh gaya key 

us key wo dono bhai jo shaheed ho chukey they, firishtoon key 

aik giroh key sath un ghoroon per sawar hain, is ney un ko salam 

kia phir un sey un key ahwal daryaft kie wo dono kehney lagey: 

ham aik he gotey mai Jannat-ul-Firdos mai pohanch gae they 

or Allah ney hamey tumharey pas bheja hai, is key bad wo 

lot gaey or wo nojawan us larki key sath mulk-e-sham pohncha 

or is key sath shadi kar key waheen rehney laga, in 3 bahadur 

shami bhaiyoo ka qissa mulk-e-sham mai bohat mashoor hoa 

or in ki shan mai qasidey kahey gaey aik sher ye hai:  sachoon ki barakat sey zindagi 

or moat mai najat ata farmae ga, (‘oyonulhikayat 197 to 198 

darulkitabulilmiya burait) Allah ki un per rahmat ho or un key 

sadqey hamari magfirat ho. Mithe Mithe Islami bahyoo! dekha aap ney un teenoo shami 

bhaiyoo ney Eman per istiqamat ka kiasa zaberdast muzahara 

kia, un key diloon mai Eman kis qader rasikh ho chukka tha, 

ye ishq key sirf buland bang d’awey karney waley haqiqi m’ana 

mai mukhlis Aashiqan-e-Rasool they, dono bhai jam-e shahadat nosh kar key jannat ul firdos ki sarmadi n’ematoo key 

haqdar ban gae or tisrey ney rom ki haseena ki taraf dekaha tak 

nahe or din rat rab ki ebadat mai masroof raha or yoon jo ba 

niyyat shikar aae thi khud aseer ban kar reh gae, Is Hikayat sey 

ye bhi m’aloom hoa key mushkilat mai sarkar sey madad 

chahna or ya Rasoolullah pukarna ehl-e-haq ka qadeem tariqa 

raha hai. 

Ya Rasoolallah key n’arey sey ham ko piyar hai 

Jis ney yey n’ara lagaya us ka bera par hai