दुनिआ में सबसे पहले कौन आया | Duniya me sabse pehle kaun aaya islam
aamataur par yah samajha jaata hai ki islaam 1400 varsh puraana dharm hai, aur isake ‘pravartak’ (foundair) paigambar muhammad (sall.) hain. lekin vaastav mein islaam 1400 varshon se bhee kaafee puraana dharm hai; utana hee puraana jitana dhartee par svayan maanavajaati ka itihaas aur hazarat muhammad (sall.) isake pahale pravartak (foundair) nahin, balki antim paigambar (eeshdoot) hain. aapaka kaam usee chirakaaleen (sanaatan) dharm kee or, jo satyadharm ke roop mein aadikaal se ‘ek’ hee raha hai, logon ko bulaane, aamantrit karane aur sveekaar karane ke aahvaan ka tha. aapaka mishan, isee maulik maanav dharm ko isakee poornata ke saath sthaapit kar dena tha taaki maanavata ke samaksh isaka vyaavahaarik roop saakshaat roop mein aa jae. islaam ka itihaas jaanane ka asl maadhyam svayan islaam ka mool granth ‘quraan’ hai. aur quraan, islaam ka aarambh pratham manushy ‘aadam’ se hone ka zikr karata hai. islaam dharm ke anuyaayiyon ke lie quraan ne ‘muslim’ shabd ka prayog hazarat ibraahim (alaihi.) ke lie kiya hai jo lagabhag 4000 varsh poorv ek mahaan paigambar (sandeshta) hue the. hazarat aadam (alaihi.) se shuroo hokar hazarat muhammad (sall.) tak hazaaron varshon par phaile hue islaamee itihaas mein asankhy eeshasandeshta eeshvar ke sandesh ke saath, eeshvar dvaara vibhinn yugon aur vibhinn qaumon mein niyukt kie jaate rahe. unamen se 26 ke naam kuraan mein aae hain aur baaqee ke naamon ka varnan nahin kiya gaya hai. hazrat ibrahim ki qabr hazarat ibraahim kee qabr, jo jeroosalem sthit hai, 3,000 saal puraanee. chourtaisy: valairio bairdini dekhe: qasas ul ambiya : nabiyon ke kisse. is atideergh shrrnkhala mein har eeshasandeshta ne jis satyadharm ka aahvaan diya vah ‘islaam’ hee tha; bhale hee usake naam vibhinn bhaashaon mein vibhinn rahe hon. boliyon aur bhaashaon ke vikaas ka itihaas choonki quraan ne bayaan nahin kiya hai isalie ‘islaam’ ke naam vibhinn yugon mein kya-kya the, yah gyaat nahin hai. islaam dharm kitana puraana hai | islam dharm kitn puran hai? islam dharm kitn puran hai? islaam kya hai? islaamee itihaas ke aadikaaleen hone kee vaastavikata samajhane ke lie svayan ‘islaam’ ko samajh lena aavashyak hai. islaam kya hai, yah kuchh shailiyon mein quraan ke maadhyam se hamaare saamane aata hai, jaise: islaam, avadhaarana ke star par ‘vishuddh ekeshvaravaad’ ka naam hai. yahaan ‘vishuddh’ se abhipraay hai: eeshvar ke vyaktitv, usakee satta va prabhutv, usake adhikaaron (jaise upaasy va poojy hone ke adhikaar aadi) mein kisee any ka saajhee na hona. vishv ka…balki poore brahmaand aur apaar srshti ka yah mahatvapoorn va mahaanatam saty maanavajaati kee utpatti se lekar usake hazaaron varshon ke itihaas ke dauraan aparivartaneey, sthaayee aur shaashvat raha hai. islaam shabd ka arth ‘shaanti va suraksha’ aur ‘samarpan’ hai. is prakaar islaamee paribhaasha mein islaam naam hai, eeshvar ke samaksh, manushyon ka poorn aatmasamarpan; aur is aatmasamarpan ke dvaara vyakti, samaaj tatha maanavajaati ke dvaara ‘shaanti va suraksha’ kee upalabdhi ka. yah avastha aarambh kaal se tatha maanavata ke itihaas hazaaron varsh lambe safar tak, hamesha manushy kee moolabhoot aavashyakata rahee hai. islaam kee vaastavikata, ekeshvaravaad kee haqeeqat, insaanon se ekeshvaravaad ke taqaaze, manushy aur eeshvar ke beech apekshit sambandh, is jeevan ke pashchaat (maranoparaant) jeevan kee vaastavikata aadi jaanana ek shaantimay, saphal tatha samasyaon, vidambanaon va traasadiyon se rahit jeevan bitaane ke lie har yug mein anivaary raha hai; atah eeshvar ne har yug mein apane sandeshta (eeshadoot, nabee, rasool, paigambar) niyukt karane (aur unamen se kuchh par apana ‘eeshagranth’ avatarit karane) ka praavadhaan kiya hai. is prakram ka itihaas, maanavajaati ke poore itihaas par phaila hua hai. shabd ‘dharm’ (railigion) ko, islaam ke lie quraan ne shabd ‘deen’ se abhivyakt kiya hai. quraan mein kuchh eeshasandeshtaon ke havaale se kaha gaya hai (42:13) ki eeshvar ne unhen aadesh diya ki ve ‘deen’ ko sthaapit (qaayam) karen aur isamen bhed paida na karen, ise (anekaanek dharmon ke roop mein) tukade-tukade na karen. isase siddh hua ki islaam ‘deen’ hamesha se hee raha hai. uparokt sandeshtaon mein hazarat nooh (noah) ka ullekh bhee hua hai aur hazarat nooh (alaihi.) maanavajaati ke itihaas ke aarambhik kaal ke eeshasandeshta hain. quraan kee uparokt aayat (42:13) se yah tathy saamane aata hai ki asl ‘deen’ (islaam) mein bhed, antar, vibhaajan, farq aadi karana saty-virodhee hai-jaisa ki baad ke zamaanon mein eeshasandeshtaon ka aahvaan va shikshaen bhulaakar, ya unamen pherabadal, kamee-beshee, parivartan-sanshodhan karake insaanon ne anek vichaaradhaaraon va maanyataon ke antargat ‘bahut se dharm’ bana lie. maanav prakrti pratham divas se aaj tak ek hee rahee hai. usakee mool pravrttiyon mein tatha usakee maulik aadhyaatmik, naitik, bhautik aavashyakataon mein koee bhee parivartan nahin aaya hai. atah maanav ka mool dharm bhee maanavajaati ke poore itihaas mein usakee prakrti va pravrtti ke theek anukool hee hona chaahie. islaam is kasautee par poora aur khara utarata hai. isakee mool dhaaranaen, shikshaen, aadesh, niyam…sabake sab manushy kee pravrtti va prakrti ke anukool hain. atah yahee maanavajaati ka aadikaaleen tatha shaashvat dharm hai. hazarat muhammad (sall.) islaam ke sansthaapak nahin, antim eeshdoot hai. quraan ne kaheen bhee hazarat muhammad (sall.) ko ‘islaam dharm ka pravartak’ nahin kaha hai. quraan mein hazarat muhammad (sall.) ka parichay nabee (eeshvareey gyaan kee khabar dene vaala), rasool (maanavajaati kee or bheja gaya), rahamatul-lil-aalameen (saare sansaaron ke lie rahamat va saakshaat anukampa, daya), haadee (satyapath-pradarshak) aadi shabdon se karaaya hai. svayan paigambar muhammad (sall.) ne islaam dharm ke ‘pravartak’ hone ka daava kabhee na kiya, na is roop mein apana parichay karaaya. aap (sall.) ke ek kathan ke anusaar ‘islaam ke bhavy bhavan mein ekeent kee kamee rah gaee thee, mere (eeshadootatv) dvaara vah kamee pooree ho gaee aur islaam apane antim roop mein sampoorn ho gaya’ (aapake kathan ka bhaavaarth.) isase siddh hua ki aap (sall.) islaam dharm ke pravartak nahin hain. (isaka pravartak svayan allaah hai, na ki koee bhee paigambar, rasool, nabee aadi). aur aap (sall.) ne usee islaam ka aahvaan kiya jisaka, itihaas ke har charan mein doosare rasoolon ne kiya tha. is prakaar islaam ka itihaas utana hee praacheen hai jitana maanavajaati aur usake beech niyukt hone vaale asankhy rasoolon ke silasile (shrrnkhala) ka itihaas. galataphahamee kisane phailaee ? yah galatafahamee phailane aur phailaane mein, ki islaam dharm kee umr kul 1400 varsh hai, do-dhaee sau varsh pahale lagabhag pooree duniya par chha jaane vaale yooropeey (visheshatah british) saamraajy kee badee bhoomika hai. ye saamraajyee, jis eesh-sandeshta (paigambar) ko maanate the khud use hee apane dharm ka pravartak bana diya aur us paigambar ke asl eeshvareey dharm ko bigaad kar, ek naya dharm usee paigambar ke naam par bana diya. (aisa isalie kiya ki paigambar ke aahvaahit asl eeshvareey dharm ke niyamon, aadeshon, naitik shikshaon aur halaal-haraam ke qaanoonon kee pakad (grip) se svatantr ho jaana chaahate the, atah ve aise hee ho bhee gae.) yahee dasha islaam kee bhee ho jae, isake lie unhonne islaam ko ‘muhammadan-izm (muhammadanism)’ ka aur muslimon ko ‘muhammadans (muhammadans)’ ka naam diya jisase yah maanyata ban jae ki muhammad ‘islaam ke pravartak (foundair)’ the aur is prakaar islaam ka itihaas keval 1400 varsh puraana hai. jabaki na quraan mein, na hadeeson (paigambar muhammad sall. ke kathanon) mein, na islaamee itihaas-saahity mein, na any saahity mein…kaheen bhee islaam ke lie ‘muhammadan-izm’ shabd aur islaam ke anuyaayiyon ke lie ‘muhammadan’ shabd prayukt nahin hua hai, lekin saamraajyion kee satta-shakti, shaikshanik tantr aur mishanaree-tantr ke vishaal va vyaapak upakaran dvaara, uparokt mithya dhaarana prachalit kar dee gaee. bhaarat ke baashindon mein is dushprachaar ka kuchh prabhaav bhee pada, aur ve bhee islaam ko ‘muhammadan-izm’ maan baithe. aisa maanane mein is tathy ka bhee apana yogadaan raha hai ki yahaan pahale se hee siddhaarth gautam buddh jee, bauddh dharm’’ ke; aur mahaaveer jain jee ‘jain dharm ke ‘pravartak’ ke roop mein sarvaparichit the. in ‘dharmon’ (vaastav mein ‘maton’) ka itihaas lagabhag paune teen hazaar varsh puraana hai. isee paridrshy mein bhaaratavaasiyon mein se kuchh ne paashchaaty saamraajyion kee baaton (muhammadan-izm, aur islaam ka itihaas maatr 1400 varsh kee galat avadhaarana) par vishvaas kar liya.
0 Comments