Ayyam e Fatima Noha 2024 | Pasliya'n Roti Rahi Lyrics Ali Hasan Jafar | Bibi Fatima Noha | Noha 2024

 

Ayyam e Fatima Noha 2024 | Pasliya'n Roti Rahi | Ali Hasan Jafar | Bibi Fatima Noha | Noha 2024

•Related - Shahadat Bibi Fatima Zehra Noha 2024 | New Noha Ayyam e Fatmiyah 2024-1445 | Ayyam e Fatima Noha 2023

•Title- Ghurbate Zahra Pe Tooti Pasliya'n Roti Rahi'n | Bibi Fatima Noha 2023 

•Recited & Composed by - Ali Hasan Jafar

•Poetry - Maulana Hasan Raza Sahab

•Chorus - Khuddam Uz Zahra Team

•Vocal Recording - AMU Studio

•Audio Mixing & Mastering - Studio 92

•Cinematography - Syed Faisal

•Video - Azadari Chitora

Lyrics 👇

Ghurbate Zehra pe tooti pasliya'n roti rahi'n

Aag ne matam kia aur lakdiya'n roti rahi'n

1-Jab Ali ke saamne darwaazae Zehra jala

Phir wahi'n jalta hua darwaza bibi par gira

Faatahe khaibar pe khud majbooriya'n roti rahi'n

2-Dil me hai daaghe pisar aur baap ki furqat ka gham

Pasliya'n saari shikasta aur baazu par waram

Haale zaare sayyada par sakhtiya'n roti rahi'n

3-Dukhtare shaahe huda par zulm jab had se badha 

Baap ki furqat me rone par bhi pehra lag gaya

Fatema par Fatema ki siskiya'n roti rahi'n

4-Haaye kaisa tha sitamgar ke tamache ka asar

Gir gayi'n teora ke khud binte payambar khaak par

Aur zami'n pe gir ke dono baaliya'n roti rahi'n

5-Qatl ummat ne kia jab mohsin e mazloom ka

Khoone nahaq dekh kar ek beqata masoom ka

Khoon ke aansu shafaq ki surkhiya'n roti rahi'n

6-Har taraf tha gham ka manzar Fatema Zehra ke baad

Soona soona ho gaya ghar Fatema Zehra ke baad

Khana e Haider me bas tanhaiya'n roti rahi'n

7-Gham kabhi maa ka uthaya aur kabhi daaghe padar

Aur kabhi aansu bahaye shabbaro shabbeer par

Zindagi bhar Fatema ki betiya'n roti rahi'n

8-Aye Raza le Jaa rahe the jab Ali ko ahle shar

Peechhe peechhe daudti thi'n binte shaahe behro bar

Aisa manzar tha gale ki rassiya'n roti rahi'n