Abbas Sa Bhai Lyrics Zain Ali Rizvi | Noha 2023/1445

 

Abbas Sa Bhai | Zain Ali Rizvi | Noha 2023/1445

Noha Lyrics 

پیشوائی

رن میں عباسؑ کو جانے کی اجازت دیکر

آکے یہ خیمہِ زینبؑ میں پکارے سرورؑ

آستائی

ہمکو عباسؑ سا بھائی نہ ملیگا زینبؑ

ثانی

بھول نا پائینگے ہم غازیؑ کا چہرا زینبؑ

انترے

آج عباسؑ جو مقتل میں چلا جائیگا

یاد تو آئیگا پر لوٹ کے نہ آئیگا

ہائے اب کون ہمیں دیگا سہارا زینبؑ

تیر جب اہلِ ستم غازیؑ پہ برسائینگے

مشک چھد جائیگی اور ہاتھ بھی کٹ جائینگے

مار ڈالے گا اُسے پانی کا بہنا زینبؑ

یہ ستم سہکے نہ گھوڑے پہ سمبھل پائیگا

لڑکھڑاتے ہوئے وہ خاک پہ سے گر جائیگا

سر پہ عباسؑ کے جب گُرز لگے گا زینبؑ

اور اس بھائی کی غربت میں سناؤں کیسے

زین سے آئیگا جب خاک پہ بن ہاتھوں کے

زخمی ہوجائیگا عباسؑ کا چہرا زینبؑ

سہہ نہ پائیگی کبھی وہ چچا عباسؑ کا غم

خوں میں ڈوبا ہوا جب خیموں میں آئیگا علم

کیا بتائینگے جو پوچھیگی سکینہؑ زینبؑ

سب سے کہتی ہو مرا غازیؑ ابھی زندہ ہے

اسکے ہوتے ہوئے محفوظ مرا پردہ ہے

ہم بھی مرجائینگے چھن جائیگا پردہ زینبؑ

زین و ذیشان جب عباسؑ چلے خیموں سے

شاہؑ زینبؑ کی طرف دیکھ کے یہ کہتے رہے

اب نہیں کوئی بھی غربت میں ہمارا زینبؑ