prashn
main ne apane pati se usake allaah kee ibaadat mein ikhlaas aur usake islaam se mohabbat ke kaaran shaadee kee, us samay main jaanatee thee ki usaka roop sundar nahin hai, aur is baat se mujhe koee duhkh nahin hua, usane mujhase bahut baar poochha ki kya main use roopavaan paatee hoon, aur main use haan mein uttar detee thee taaki usakee bhaavanaon ko thes na pahunchaoon, kintu main jhooth bolatee thee aur isase ab mujhe sakht buraee ka ehasaas hota hai, aur mujhe dar lagata hai ki main apane is kathan kee vajah se gunahagaar hoongee, aur main samajhatee hoon ki yah pooree tarah ghrnit hai, parantu main usake achchhe gunon ko yaad karane ka prayaas karatee hoon taaki ghar ka maahol aanandamay rahe, to kya main usakee bhaavanaon kee raksha ke lie jhooth bolane par paapee hoongee ? kyonki saty baat use bahut aaghaat pahunchaayegee ; isalie ki vah apane roop drshti mein bahut bharos ka maalik nahin hai.
uttar ka paath
har prakaar kee prashansa aur gunagaan keval allaah taaala ke lie yogy hai..
meree sammaanit bahan - allaah aapako taupheeq de, aur aapako saubhaagy va khushahaal vivaahit jeevan pradaan kare - aapaka is uddeshy se shaadee ka qadam uthaana allaah sarvashaktimaan kee or se ek nemat aur taupheeq hai, atah aap is par allaah ke aabhaaree banen, vah aapake oopar apanee nemat sthaayee kar dega aur aapake oopar apane upakaar mein vrddhi kar dega.
jahaan tak aap ne apane pati ko khush karane aur usakee bhaavanaon kee raksha ke lie jhooth bolane ke baare mein prashn kiya hai, to aapake oopar is baare mein koee aapatti kee baat nahin hai, kyonki allaah ke paigambar sallallaahu alaihi va sallam ka pharamaan hai : “vah vyakti jhootha nahin hai jo logon ke beech sudhaar karata hai, chunaanche vah bhalaee ko phailaata hai ya bhalee baat kahata hai.” ise bukhaaree (hadees sankhya : 2692) ne rivaayat kiya hai.
tatha muslim kee ek rivaayat mein hai : ‘‘vah vyakti jhootha nahin hai jo logon ke beech sudhaar karata hai, aur vah bhalee baat kahata hai aur bhalaee ko phailaata hai.’’ ibne shihaab ne pharamaaya : (main ne nahin sunee hai ki logon kee kahee jaane vaalee jhooth baaton mein se kisee cheez ke andar rookhsat (chhoot) dee gaee hai sivaay teen cheezon ke : yuddh, logon ke beech islaah karaana, tatha aadamee kee apanee patnee se baatacheet aur aurat kee apane pati se baatacheet.’’
shaikh ibne usaimeen rahimahullaah riyaazussaaleheen kee vyaakhya (1/1790) mein is hadees kee vyaakhya karate hue pharamaate hain : ‘‘isee tarah masalahat (hit) mein se : aadamee ka apanee patnee se aur patnee ka apane pati se aisee baatacheet karana jo pyaar aur mohabbat paida karane ka kaaran hai, udaaharan ke taur par vah yah kahe ki : too mere nikat bahumooly hai, aur too mere nikat sabhee auraton se adhik pyaaree hai, aur isake samaan any baaten, bhale hee vah jhooth bolane vaala ho, kintu yah pyaar va mohabbat paida karane ke lie hai, aur hit isakee apeksha karata hai.’’ ant hua.
0 Comments