Ae Baqaiya Mujhe Tera Ghum Hai Lyrics | Rizwan Zaidi | Noha Jannat ul Baqi 2022

Ae Baqaiya Mujhe Tera Ghum Hai | Rizwan Zaidi | Noha Jannat ul Baqi 2022

نوحہ

اے بقیہ مجھے تیرا غم ہے

اِس لئے تو یہ آنکھ پُر نم ہے

جب سے تیرا یہ انہدام ہوا

دل میں بس غم کا ہی قیام ہوا

اب تو اِک اضطرابِ پیہم ہے

قبرِ زہراؑ جو ڈھائی اعدا نے

کیا بگاڑا تھا اِن کا دکھیا نے

ہم تو جتنا بھی روئیں وہ کم ہے

ہے جو بے سایہ تربتِ سجادؑ

کیوں نہ ہم غمزدہ کریں فریاد

اِس سے بڑھ کر بھی کوئی کیا غم ہے

قبر باقرؑ کی اور جعفرؑ کی

ہے شکستہ جو قبر شبرؑ کی

ہر طرف سوگ کا سا عالم ہے

کہہ اُٹھا دیکھ کر دلِ مضطر

ہائے رے قبرِ مادرِ حیدرؑ

اِس کی توقیر تو مقدم ہے

جب بھی تشریف لائیں گے مہدیؑ

ہو گا تعمیر پھر بقیہ بھی

مجھ کو اِک یہ ہی آس ہر دم ہے

کیوں نہ آوازِ حق اُٹھائیں ہم

کیسے باطل سے خوف کھائیں ہم

سر پہ جب باوفا کا پرچم ہے

جس نے زہراؑ کا دل دُکھایا ہے

اور اُنہیں عمر بھر رلایا ہے

اُس پہ لعنت ہی اب تو ہر دَم ہے

چین اظہارؔ یوں نہیں آتا

ہر گھڑی ہے الم بقیہ کا

ہر گھڑی دل میں شورِ ماتم ہے

شاعرِ اہلِ بیتعلی اظہارؔ