Aaj Bhi Zainab Ki Aati Hai Sada Bahi Hussain.Ter Lyrics

کسی بھی مواد کی اشاعت میں مکمل احتیاط سے کام لیا جاتا ہے ۔اس کے باوجود اگر کوئی نقص رہ جاتا ہے تو اس کی اصلاح میں ہمیں آپ کے نیک مشوروں پر عمل کر تے ہوئے خوشی ہوگی ۔

آج بھی زینبؑ کی آتی ہے صدا بھائی حُسینؑ

تیرا چہرہ تیری آنکھیں بھول کب پائی حُسینؑ

چلتے ناقے سے گِرایا خود کو جلتی ریت پر

گھٹنیوں کے بل مِیں تیری لاش تک آئی حُسینؑ

بس مَیں گھبرائی تھی خنجر تجھ پہ چلتا دیکھ کر

پھر کسی مشکل مِیں گِھر کر مَیں نہ گھبرائی حُسینؑ

کون تھا جو مرنے والوں مِیں نہیں تھا خوبرو

بھولنے بیٹھی تو کس کس کی نہ یاد آئی حُسینؑ

بہہ رہے تھے آنکھ سے آنسو تیری رخصت کے وقت

پھر کوئی آنسو نہ ٹپکا آنکھ پتھرائی حُسینؑ

ہاتھ مِیں کوزے لئے سب آسماں تکتے رہے

ابر نے اِک بوند پانی کی نہ برسائی حُسینؑ

ایک اِک حُجرے مِیں رُک کر ٹھہر کر ہر دَر کے پاس

خالی گھر مِیں ڈھونڈتی ہے تُجھ کو تنہائی حُسینؑ

دیکھتی ہوں خاک دامن مِیں تو بھر آتا ہے دِل

خاک پر مَیں کیسے کیسے پھول چھوڑ آئی حُسینؑ

دُور اُفتادہ سفر سے لوٹ کر مَیں نے نویدؔ

ٹھنڈا پانی جب پیا بس تیری یاد آئی حُسینؑ

Aaj Bhi Zainab Ki Aati Hai Sada Bahi Hussain.Ter Lyrics

Aaj Bhi Zainab Ki Aati Hai Sada Bahi Hussain.

Tera Chehrah Teri Aankhein Bhool Kab Payi Hussain.

Chalte Naqay Se Giraya Khud Ko Jalti Rait Par.

Ghutniyon Ke Bal Mein Teri Lash Tak Ayi Hussain.

Bas Main Ghabrai Thi Khanjar Tujh Pe Chalta Dekh Kar.

Phir Kissi Mushkil Mein Gir Kar Main Na Ghabrai Hussain.

Koan Tha Jo Marne Walon Mein Nahi Tha Khoob Roo.

Bohlne Bethi Tu Kis Kis Ki Na Yaad Ayi Hussain.

Beh Rahe The Aankh Se Aanso Teri Rukhsat Ke Waqt.

Phir Koi Aanso Na Tapka Aankh Pathrai Hussain.

Hath Mein Kozay Liye Sab Aasmaan Takte Rahe.

Abar Ne Ik Bond Pani Ki Na Barsai Hussain.

Aik Ik Hujray Mein Ruk Kar Thehar Kar Har Dar Ke Pas.

Khali Ghar Mein Dhondti Hai Tujh Ko Tanhai Hussain.

Dekhti Hoon Khak Daman Mein Tu Bhar Aata Hai Dill.

Khak Par Main Kaisay Kaisay Phol Choor Aayi Hussain.

Door Uftadah Safar Se Loat Kar Main Ne

Thanda Pani Jab Piya Bas Teri Yaad Ayi Hussain.