Muhammad PBUH I Adnan Khawaja | Naat 2021 | Rabil-Ul-Awal 1443H ﷽ اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ

Muhammad PBUH I Adnan Khawaja | Naat 2021 | Rabil-Ul-Awal 1443H

نعتِ  MUHAMMAD PBUH 

وہ محمد ص ہیں جسے اپنا ثناگر کر دیں

شاملِ مشغلہِ خالقِ اکبر ج کر دیں

 ----------------------------------------- 

وہ جسے چاہیں اسے نطق و زباں دیتے ہیں

دست ِاعجاز پہ تائید یہ کنکر کردیں

 ----------------------------------------- 

شامِ ہجرت ہے علیّیَن بھی آمادہ ہیں

اس تجارت کو نبی ص پیش جو بستر کر دیں

 ----------------------------------------- 

پرورش ایسے کی آغوشں میں مرسل ص کی ہوئی

ہاتھ کعبے پہ جہاں رکھ دیں وہیں در کر دیں

 ----------------------------------------- 

نور ِاول جو کیا خلق تو خالق نے کہا

کیوں نہ ہم نور یہ دو لخت برابر کر دیں

 ----------------------------------------- 

آئے یوں مہرِ نبوت پہ قدم حیدر ع کے

نقش کو اور جِلا دے کے اجاگر کر دیں

 ----------------------------------------- 

یہ اجالے جو ہیں مصروفِ طوافِ احمد ص

نعت لکھوں تو مرے لفظ منور کر دیں

 ----------------------------------------- 

آیتیں سورہ کوثر کی سند رکھتی ہیں

دشمنِ آلِ محمد ص کو جو ابتر کر دیں

 ----------------------------------------- 

دور ہو ضعفِ بدن ختمِ رسل ص سے فوراً

فاطمہ زہرا ع جونہی سایہِ چادر کر دیں

 ----------------------------------------- 

یہ درِ شاہِ مدینہ ص کی روایت ہے کہ یاں

کوئی بے زر بھی چلا آئے تو بُو زر کر دیں

 ----------------------------------------- 

علم کے شہر کے در پہ یہ دعا ہے شہوار

حرفِ سادہ ہے سخن آپ اسے بہتر کر دیں

 ----------------------------------------- 

شاعرِاہل بیتؑ 

(احمرشہوار)