Kadi Phuphiyan Kadi Sakina Lyrics - Kadi Phuphiyan Kadi Sakina | Rizwan Zaidi | Nohay 2021 | کدی پھپھیاں کدی سکینہؑ

 

Kadi Phuphiyan Kadi Sakina | Rizwan Zaidi | Nohay 2021 | کدی پھپھیاں کدی سکینہؑ

Kadi Phuphiyan Kadi Sakina Lyrics کدی پھپھیاں کدی سکینہؑ 

نوحہ 

کدی پھپیاں کدی سکینہؑ نوں ویکھ بیمار خون روندا اے

زخمی باقرؑ دی چھوٹی گردن نوں چم کے سالار خون روندا اے

 کدی بابے نو یاد کردی سی کدی چاچے نوں او بلاندی سی 

اودے کناں چوں خون جاری سی او تماچے شمر توں کھاندی سی

وینڑ سفراں دے وچ سکینہؑ دے سنڑ کے لاچار خون روندا اے

پتھراں نوں ہٹا نئیں سکیا وینڑ لاشے تے پا نئیں سکیا

دھپ توں لاشے اٹھا نئیں سکیا قبر کوئی بنڑا نئیں سکیا

رسیاں پا کے پیئو دے لاشے تے بہہ کے غم خوار خون روندا اے

  نال زینبؑ جو درداں ماری سی ایہو غیرت اودی بیماری سی

لوگ کیندے نے طوق بھاری سی مار گئی اونوں پردہ داری سی 

آکے سجادؑ نال پھپھیاں دےسرِ بازار خون روندا اے

شام دے لوکاں نے وی تکیا اے ایہو تاریخ نے وی لکھیا اے

بھانویں سجاد آپ رُلیا اے پر سکینہؑ نوں او نہ بھلیا اے

زخمی پیراں وچوں سکینہؑ دے کڈ کے او خار خون روندا اے

 کدی سینے او بھینڑ نوں لاوے تازیانے او شمر توں کھاوے

بھیڑ بازار دی جدوں آوے وینڑ بھینڑاں نو ویکھ کے پاوے

خوں بھرے ویکھ کے سکینہؑ دے زخمی رخسار خون روندا اے

 غم ِشبیر ؑجو مناندے نے خون پرسے چ دینڑ آندے نے

گھر او جنت دے وچ بنڑاندے نے رینڑ آباد غم کماندے نے

دے کے پرسہ جناب زہرہؑ نوں ہر عزادار خون روندا اے

 زخمی زہرہ دا آسرا قائم اج وی زینبؑ دا حوصلہ قائم

خون شبیرؑ دی بقا قائم ہے ملاعین لئی سزا قائم

اج وی پردے چ وقت دا عابدؑ چا کے تلوار خون روندا اے

ایہو قمبرؔ دی ہے دعا مولا تے ہے رضوان دی صدا مولا

غم سجاد کر عطا مولا رہوے قائم اے سلسلہ مولا

بس تیری ہی عطا قلم ہے جو لکھ کے اشعار خون روندا اے

شاعرِ اہلِ بیتؑ قنبرؔ کیانی، ڈنمارک