Assalam Ya Imam Lyrics Noha 2021 | Assalam Ya Imam | Noha Salam Ya Hussain | سلام حسین | Shahid Ali Shahid | New Nohay 2021

Noha 2021 | Assalam Ya Imam | Noha Salam Ya Hussain | سلام حسین | Shahid Ali Shahid | New Nohay 2021

اردو شاعری

ـــــــــــــــــ

السلام السلام یا امام السلام ۔۔۔۔۔۔۔۔۔ السلام السلام یا امام السلام               

ہے غم شاہ دیں قلب و دل کی جلا 

کہہ رہے ہیں یہی یہ علم یہ عزا 

بس یہی غم تو ہے زندگی کی بقا 

                                                                                                                                                                     حق میں بڑھو دم بہ دم گام گام 

                                                                                                                                                                            السلام ۔۔۔۔۔۔۔۔۔۔۔۔

دیں کی پہچان ہے حق کی یہ آبرو 

حق کا عرفان ہے دل کی یہ جستجو 

عام فیضان ہے چار سو کو بہ کو 

                                                                                                                                                                    ہو لبوں پر سکوت عشق ہو ہمکلام 

    السلام ۔۔۔۔۔۔۔۔۔۔۔

راہ حقانیت ہے عزائے حسین ؑ

نقش آفاقیت ہے عزائے حسین ؑ 

حرف انسانیت ہے عزائے حسینؑ 

  مکتب کربلا زندگی کا مرام 

   السلام۔۔۔۔۔۔۔۔۔۔۔۔۔۔۔۔۔

عشق کی یہ ڈگر ہے خدا کے لئے 

نقطہ وصل ہے کربلا کے لئے

حرف آغاز ہے نینوا کے لئے 

   آج بھی غیب میں کہہ رہے ہیں امام 

   السلام۔۔۔۔۔۔۔۔۔۔۔۔۔۔۔۔

کیسا وہ وقت تھا کیسی تھی وہ فضا 

مشک کاندھے پہ لیکر چلے تھے چچا 

ننھی بچی کے دل کا عجب حال تھا 

   غازی آئے نہیں بچے ہیں تشنہ کام 

   السلام۔۔۔۔۔۔۔۔۔۔۔۔۔۔۔

جتنی الفت سکینہ کو عموں سے تھی 

اتنی الفت ہی کرتے تھے عباس بھی 

بعد عموں سکینہ یہی کہتی تھی 

   آئو گے کب چچا ہونے آئی ہے شام 

   السلام۔۔۔۔۔۔۔۔۔۔۔۔۔۔۔۔

لاش عباس سے آتی تھی یہ صدا 

تجھ سے شرمندہ ہے بچی تیرا چچا 

میں نے وعدہ کیا جو نبھا نہ سکا 

   تیری تشنہ لبی کو مرا ہو سلام 

   السلام۔۔۔۔۔۔۔۔۔۔۔۔۔

گھیر کر چار سو جب کھڑے تھے لعیں

ڈگمگاتے رہے زین پر شاہ دیں  

ہل رہا تھا سماں ہل رہی تھی زمیں 

   کیسا سجدہ تھا وہ کیسا تھا وہ قیام 

   السلام ۔۔۔۔۔۔۔۔۔۔۔۔۔۔

سجدہ آخری کر رہے تھے حسینؑ 

اور ادھر ہو رہے تھے یہ زہرا کے بین 

زیر خنجر ہے پیاسا مرے دل کا چین 

   سن کے یہ بین روتا ہے ہر خاص و عام 

   السلام۔۔۔۔۔۔۔۔۔۔۔۔۔۔۔۔۔

دشت کرب و بلا میں تھا منظر عجیب 

قتل جب ہو گئے کربلا میں غریب 

ہر بشر کے لبوں پر صدا تھی نجیب 

   تشنہ لب خستہ تن بے سروں کو سلام 

   السلام ۔۔۔۔۔۔۔۔۔۔۔۔۔۔۔۔Noha 2021 | Assalam Ya Imam | Noha Salam Ya Hussain | سلام حسین | Shahid Ali Shahid | New Nohay 2021

Assalam Ya Imam - السلام یا امام

Noha Khwan: Shahid Ali Shahid Baltistani

Urdu Poetry: Maulana Najeeb ul Hasan Zaidi

Audio: ODS - Karachi

Video: Mehmood Achoali

Composition: Haider Raza

Special Thanks: Ahmed Raza Nasiri