HAM NE KHANA KABHI AMMA KE BINA KHAYA HAI - NOHA LYRICS IN URDU LANGUAGE

اک روز شاہ زادی نے اسما سے یہ کہا

میں جا رہی ہوں ہجرے میں کرنے کو اب دعا

آواز گر نہ آۓ مرے شورو شین کی

بس یہ سمجھنا مر گئی مادر حسین کی

بچے جو آیں لوٹ کے تو پیار کیجئو

مرنے کا میری کچھ بھی نہ اظہار کیجئو

القصہ بند ہو گئی آواز شوروشین

اسما پچھاڑیں کھاتی تھی اور کر رہی تھی بین

اتنے میں آۓ کھیلتے گھر میں حسن حسین

اسما یہ آنسو پونچھ کے کہتی تھیں دل کے چین

کھانا لگا رہی ہوں میں اب کھانا کھایئے

بچے تڑپ کے کہنے لگے یہ بتایئے

تمکو معلوم ہے یہ آج تلک اے اسما

ہمنے کھانا کبھی اماں کے بنا کھایا ہے

کیسی باتیں ہیں عجب ہوتا ہے دل کو صدمہ

ہمنے کھانا کبھی اماں کے بنا کھایا ہے

پہلے بتلاؤ اے اسما کہ کہاں ہیں اماں

لے چلو ہمکو بھی اس وقت جہاں ہیں اماں

کیوں سنائی نہیں دیتی ہمیں اماں کی صدا۔۔۔۔۔۔۔۔۔۔۔

جاکے اماں سے کہو نور نظر آۓ ہیں

جس پہ قرباں تھیں وہی لخت جگر آۓ ہیں

پھرہمیشہ کی طرح دوڑ کے لپٹایں زرا۔۔۔۔۔۔۔۔

تمکو معلوم ہے کس طرح بلاتی تھیں وہ

اپنے ہاتھوں سے ہمیں کھانا کھلاتی تھیں وہ

چومتی جاتی تھیں الفت سے ہمارا چہرہ۔۔۔۔۔۔۔

ہمنے کھانا۔۔۔۔۔۔۔۔۔

گود میں بیٹھ کے انکے ہی سکوں پائیگے

اماں جب کھانا کھلائینگی تو ہم کھائیگے

 کس لیے بند ہے اماں کا ابھی تک ھجرہ

ہمنے کھانا۔۔۔۔۔۔۔

کس لیۓ روتی ہو اب جلد بتاؤ اسما

تمکو نانا کی قسم کچھ نہ چھپاؤ اسما

دل دھڑکتا ہے پھٹا جاتا ہے غم سے سینا۔۔۔۔

ہمنے کھانا۔۔۔۔۔۔۔

سن کے بچوں کی فغاں چیخ کے روئیں اسما

آہ لپٹا کے کلیجے سے یہ بولیں اسما

ثکڑے دل ہو گیا سن سن کے تمہارا جملہ۔۔۔۔۔۔۔۔

ہمنے کھانا۔۔۔۔۔۔۔

اے مرے لاڈلوں کیا اس طرح گھبراتے ہیں

جنکی مایئں نہیں ہوتیں وہ نہیں کھاتے ہیں ؟

تمکو اماں کی قسم اب نہ دبارہ کہنا۔۔۔۔۔۔۔

ہمنے کھانا۔۔۔۔۔۔

اب نہ آیئنگی کھلانے کو تمہاری اماں

چھوڑ کر ہمکو سوۓ خلد سدھاریں اماں

اے مرے لاڈلوں اس وقت بجا ہے کہنا۔۔۔۔۔۔۔۔۔

ہمنے کھانا کبھی اماں کے بنا کھایا ہے۔۔۔۔۔۔۔۔

عینی کس طرح سے اس وقت کا لکھے منظر

لاش پر ماں کی یہ کہتے تھے وہ عامر رو کر

کیسے تا زندگی اب کھاینگے کھانا تنہا۔۔۔۔۔۔۔۔

ہمنے کھانا کبھی اماں کے بنا کھایا ہے۔۔۔۔۔۔۔۔