Nohay 2019 | Noha Ay Chand Karbala Ky | Muharram 1441

ay chand karbala ke, tu ne to dekhe hongay
utray thay is zameen par, arshay bari ke taare

ay chand jalwagar hai hashim ka chand yan par
khairaat roshni ki lelijiyo yahan se
Aey Chand Karbala Kay

ay chand is zameen par rakhiyo hamesha thandaq
sotay jo hai yahan par zehra ke hai ye pyare
Aey Chand Karbala Kay

tasleem-o-salsabeelo kausar ke hai ye maalik
maare gaye jo pyase is nehr ke kanare
Aey Chand Karbala Kay

hur aur habeeb jaise jaanbaaz aur ahibba
maare gaye yaheen par ansaar shahe deen ke
Aey Chand Karbala Kay

maare gaye yaheen par be-dardiyo sitam se
zainab ke dono pyare muslim ke dono bete
Aey Chand Karbala Kay

pamaal ho rahi thi qasim ki laash ran may
abbas aur sarwar chunte thay unke tukday
Aey Chand Karbala Kay

baazu katay yaheen par abbas-e-bawafa ke
izne wagha na paaya pani bhi laa na paaye
Aey Chand Karbala Kay

is sar zameen pa guzra sarwar pa ye bhi sadma
seene pa khaayi barchi hamshakle mustufa ne
Aey Chand Karbala Kay

pani pilaane laaye ek mehlaka ko sarwar
ki ghazab hurmula ne teere sitam lagaake
Aey Chand Karbala Kay

gardan chidi pisar ki baazu chida padar ka
dono tadap tadap kar pyase jahan se guzre
Aey Chand Karbala Kay

is ban may ek bachi baba ko dhoondti thi
bikhre huwe paday thay jab sar bureeda laashar
Aey Chand Karbala Kay

phir yeh bhi tu ne dekha woh gham raseeda bachi
seene pa so rahi thi besar padar se lipte
Aey Chand Karbala Kay

baazu bandhay yaheen per pehle pahal haram ke
is sar zameen se niklay sajjad sar jhukaye
Aey Chand Karbala Kay

shehzadaye jina hi maalik hai karbala ka
kiski majaal aaye jab tak na wo bulaaye
Aey Chand Karbala Kay

pahuncha hai karbala may nacheez sibte jafar
ay kaash ke muqaddar humko ye din dikhaye
Aey Chand Karbala Kay