New Noha 2019 | Laila Ka Dil | Noha Shahadat Hazrat Ali Akbar 2019

HAAYE KYA QAYAMAT HAI 4
SINAE AKBAR SE TAKRAYI SINA
TUKDE TUKDE HOGAYA LAILA KA DIL  2

RAN ME GHODE SE GIRA KADYAL JAWA'N
TUKDE TUKDE HOGAYA LAILA KA DIL 2

JIS GHADI LAYA GAYA MADAR KO LASHE KE  QAREEB
UNGLIYA THI ZULFE AKBAR ME TADAP TI THI KHAREEB
DEKH KAR SINE PE BARCHI KA NISHAA

TUKDE TUKDE  HOGAYA LAILA KA DIL 2

CHAND SE SINE ME ULJHA HAI KAHA BARCHI KA PHAL
MAA KO BATLADE NIKALEGI KOI MUSHKIL KA HAL
KUCH TO MUN SE BOL AYE BABA KI JAAN

TUKDE TUKDE HOGAYA LAILA KA DIL  2

KHOON HO KAR REHGAYI SAB HASRATE AKBAR KE SAATH
BARCHION NE LUTLEE LAMHO ME MAA KI KAYENAT
KEHRAHI HAI RO KE SAARI BIBIYAN

TUKDE TUKDE HOGAYA LAILA KA DIL 2

DEKH KAR NAIZE PE APNE LAAL KO RONE LAGI
KAIFIYAT EK GHAMZADA MAA KI AJAB HONE LAGI
QATILE AKBAR NAZAR AAYA JAHA'N
 
TUKDE TUKDE HOGAYA LAILA KA DIL 2

DEKH KAR NAIZE PA SAR AKBAR KA SAB NE SAR DHUNA
AUROTO KO SHAAM KI JIS WAQT YE KEHTE SUNA
MARGAYI HO IS JAWAN BETE KI MAA

TUKDE TUKDE HOGAYA LAILA KA DIL 2

AUR KUCH BHI BADHGAYA EK GHAMZADA MAA KA MALAL
SUN KE AANSU AAGAYE BIMAAR BETI KA SAWAL
HAIN KAHA JIS DAM PUKARI BHAI JAAN

TUKDE TUKDE HOGAYA LAILA KA DIL 2

YE HUWA MEHSUS KE ASHOOR KA DIN  AAGAYA
YAAD AYE KARBOBALA TERA MUAZZIN AAGAYA
MASJIDO ME JAB KABHI GUNJI AZAAN

TUKDE TUKDE HOGAYA LAILA KA DIL 2

APNE YOUSUF KI JUDAYI MAA KO TADPANE LAGI
CHAND SI SURAT ALI AKBAR KI YAAD AANE LAGI
CHAND KO TERE JO DEKHA  AASMA

TUKDE TUKDE HOGAYA LAILA KA DIL 2

FARSHE MAJLIS PAR AZAADARO KA CHEHRA ZARD HAI
"AAMIR" O "AKHTAR" HAR EK MISRE ME ITNA DARD HAI
SUN KE NAUHA KEHRAHE  HAIN DOO JAHAN

TUKDE TUKDE HOGAYA LAILA KA DIL 2

HAAYE KIYA QAYAMAT HAI 3