Dar e Nabi Par Para Rahunga Naat Lyrics in Urdu

درِ نبی ﷺ پر پڑا رہوں گا

درِ نبی ﷺ پر پڑا رہوں گا پڑے ہی رہنے سے کام ہو گا

کبھی تو قسمت کھلے گی میری کبھی تو میرا سلام ہو گا

خلافِ مقصود کچھ ہوا ہے نہ کوئی عاشق سے کام ہو گا

خدا بھی ہو گا ادھر ہی اے دل جدھر وہ عالی مقام ہو گا

کیے ہی جائوں گا عرض ِ مطلب ملے گا جب تک نہ دل کا مطلب

نہ شامِ مطلب کی صبح ہو گی نہ یہ فسانہ تمام ہو گا

جو دل سے ہے مائلِ پیامبر یہ اس کی پہچان ہے مقرر

کہ ہر دم اس بے نوا کے لب پر درود ہو گا سلام ہو گا

اسی توقع پہ جی رہا ہوں یہی تمنا جلا رہی ہے

نگاہِ لطف و کرم نہ ہو گی تو مجھ کو جینا حرام ہو گا

درِ نبیﷺ پر پڑا رہوں گا پڑے ہی رہنے سے کام ہو گا

کبھی تو قسمت کھلے گی میری کبھی تو میرا سلام ہو گا