hajarat muhammad kee jeevanee | biography of hazrat muhammad in hindi!
1. prastaavana:
muslim dharm ke pravartak hajarat mohammad maane jaate hain, jinhonne apanee dhaarmik sahishnuta evan shreshth chaaritrik gunon se is dharm ko ek mahaan dharm ke roop mein pratishthit kiya tha . maanaveey aadhaar par is dharm kee sthaapana karake unhonne aapasee sadabhaav aur maitree ka sandesh diya tha . sabhee manushyo ko eeshvar kee santaan bataate hue unhonne dhaarmik sadabhaav va ekata ka paath padhaaya .
2. janm parichay:
unaka janm va mrtyu 571-632 eesa ke beech maanee jaatee hai . arab desh ke kaaba naamak shahar mein hajarat mohammad saahab ka janm hua tha . unake pita hajarat abdullaah aur maata beebee aamana theen . ye log kauresh naam ke gharaanon se the . jab ve do maheene ke the, to unake pita ka dehaavasaan ho gaya tha aur unakee maata bhee kuchh hee dinon mein chal basee theen .
unaka laalan-paalan daada hajarat abdul muttalik ne kiya . kuchh dinon baad unaka bhee intakaal ho gaya . apane intakaal se pahale mohammad saahab kee jimmedaaree unake chaacha aboo taaleeb ko saump dee, jinhonne bade hee prem aur chaav se unakee dekhabhaal kee .
bachapan se hee hajarat gambheer svabhaav ke, kam tatha meetha bolane vaale the, jabaki arab ke log dagaaphareb, jhooth bolane mein apana jeevan bitaate the . unakee sachaee ko dekhakar log unhen al-ameen, arthaat sachcha eemaanadaar athava satyavratee kahate the . bachapan se unamen santon ke samakaksh gun the .
unake samay mein arab mein striyon par vibhinn prakaar ke atyaachaar ho rahe the . jhooth, phareb, aatank ka bolabaala tha . log andhavishvaason mein doobe hue the . bade hone par mohammad saahab ne rojagaar, vyaapaar karane ka kaary shuroo kiya . dhandhe mein eemaanadaaree par unhen behad vishvaas tha .
unakee mehanat aur eemaanadaaree kee prashansa itanee phailee ki beebee khadeeja naamak mahila ne unako sheeraaj bheja . ve tijaarat karane ke lie baahar gaye . vyaapaar mein unako kaaphee laabh hua . phir ve makka aa gaye . unakee eemaanadaaree se prabhaavit hokar beebee khadeeja ne unake saamane vivaah ka prastaav rakha .
unakee avastha 24 varsh thee tatha beebee khadeeja unase kaaphee badee theen . sundar aadarsh vivaahit jeevan nibhaate hue unake teen ladake aur chaar ladkiyaan hueen . hajarat mohammad apane ghar-parivaar ke logon tatha naukaron ke saath bhee bahut naramee ka vyavahaar rakhate the .
saada bhojan, saade kapade aur apana kaam khud karana tatha saaph-saphaee rakhana unake svabhaav mein shaamil tha . saansaarik jeevan jeete hue bhee ve yah socha karate the ki logon ko buraee ke raaste se kaise hataaya jaaye . kabhee-kabhee registaan ke ekaant mein ghanton baithe is vishay par gahan chintan kiya karate the .
us samay ve khaane-peene kee sudh bhee bhool baithate the . registaan mein gaare-hara naamak ek khoh thee . vahaan akasar ve dhyaan lagaate the . ek din gaahe-hara mein dhyaanamagn avastha mein khuda ke ek pharishte ne divy roop dhaaran karake unake samaksh kaha: “le padh apane paalan karane vaale khuda ke naam se .”
tab pharishte ne unhen seene se lagaaya, to unhonne pharishte dvaara kahee gayee sabhee aayaten sahee-sahee dohara deen . too hee khuda ka paigambar hai . ja, khuda kee ekata kee baaten bata . is tarah anapadh paigambar hajarat mohammad ne allaah ke hukm se pharishte jabareel ke dvaara diye gaye sandesh ko saataven svarg se laakar vartamaan roop mein logon ko sunaaya .
mohammad saahab ne jo sandesh logon ko sunaaya, usaka unhen kaaphee virodh sahana pada . allaah se dharm ke prachaar ka aadesh mila tha . makka mein unhonne yah sandesh janata mein diya . is sandesh ko sunakar janata ne to unhen apana paigambar maan liya, kintu kuraishee ke log eershya karane lage .
virodh itana badha ki mohammad saahab ko madeene kee or prasthaan karana pada . makka se madeena tak kee yaatra kee yah ghatana 20 joon 822 ee. ko huee . unake do putr aur chaar putriyaan virodhiyon se sangharsh mein maare gaye . us registaan kee bharee garamee mein antim ladaee mein unaka ek beta aur ek betee phaatima hee bach paayeen .
bhookhe-pyaase bachchon ke lie baar-baar paanee maangane par bhee logon ne unhen paanee nahin diya . betee phaatima vahaan shaheed ho gayee . apane bete kee kurabaanee ke samay unhonne kaha: “ ai mere bachche, main khvaab dekh raha hoon aur tumhen jibah kar raha hoon . tumhaaree kya raay hai ? allaah ne chaaha, to mujhe sabr karane vaalon mein hee paiyega .”
baap ne bete ko maathe ke bal litaaya . yah pareeksha khuda ne paigambar mohammad kee lee thee . ibraaheem ne apane bachchon ko jibah karane ke lie chhuree chalaayee thee, kintu kuchh aisa hua ki vahaan ek bakara tha, jo unake bete kee jagah khada tha . aakaashavaanee huee ki tum meree pareeksha mein saphal hue .
is tarah islaam dharm ka prachaar karate hue unhen bahut se atyaachaar bhee jhelane pade . jaise-jaise musalamaanon kee jamaat badhatee gayee, vaise-vaise unake khilaaph julm badhata gaya . logon ne unake raaste mein kaante bichhaaye . buree-buree gaaliyaan deen . sir par kooda-karakat phenk diya .
namaaj padhate samay unakee gardan par paakhaana tak rakh diya jaata tha . arab kee jalatee ret par litaakar seene par bhaaree tape chattaan tab tak unake anuyaayiyon par bhee laade jaate, jab tak ve mar nahin jaate . kaee aadamiyon ke tukade-tukade kar daale . julm sahakar bhee unake saathee naye dharm par drdhata se date rahe .
haj ke samay jab ve islaam ka upadesh sunaakar makka ja rahe the, to dushman unako maarane kee phiraak mein the . vahaan se 52 varsh kee avastha mein jab ve madeena pahunche, to makke mein rahane vaale unake virodhiyon ne madeene par hamala kar diya . sulah kee koshish ke baad bhee ladaee chhidee aur ghamaasaan yuddh hua .
karabale ke maidaan mein unake navaase ne shahaadat paayee . karabala kee jang mein apane 72 saathiyon ke saath ladate hue unhonne jaalimon se samajhauta nahin kiya . 6 maah ka maasoom asagar hajarat abaas, kaasim aadi na jaane kitane jaanishaan islaam ke lie kurabaan hue . is tarah allaah ke ghar kaaba ka nirmaan hua .
ek laakh chaubees hajaar musalamaanon ke saath haj gaye . kaaba ke logon ne bhee haar maanakar islaam kabool kar liya . is tarah arab mein musalamaan dharm kee jyoti jagamaga uthee . 63 varsh kee umr mein makke ka aakhiree haj karate hue ve sakht beemaar ho gaye, kintu namaaj ada karanee nahin chhodee . marate samay ek aadamee ke teen diraham paise chukaana nahin bhoole .
3. kuraan ke dhaarmik siddhaant:
islaam dharm kee mukhy kitaab kuraane paak hai . yah aaj se 1400 varsh pahale likhee gayee thee . isamen islaam dharm ke siddhaanton ka vyaavahaarik roop pata chalata hai . arabee, phaarasee, urdoo, hindee, angrejee, jarman, phrench aadi bhaashaon mein isaka anuvaad kiya gaya hai . kuraan mein hajarat mohammad saahab kee aayaten likhee gayee hain .
yah pustak paigambar saahab tatha unake chelon ke dvaara 23 varshon mein khuda kee sunee huee aakaashavaanee ke aadhaar par kuraan mein utaaree gayee . yah pustak islaam kee buniyaad hai . is dharm ke mukhy siddhaanton mein eeshvar kee ekata, bhaeechaara rakhana, striyon aur gulaamon kee madad karana, din mein paanch baar makke kee or munh karake namaaj padhana, shukravaar ke din saamoohik roop se namaaj mein bhaag lena, apanee aamadanee ka dhaee pratishat hissa daan dena, jeevan mein ek baar haj jaana pramukh roop se hain .
muslim dharm ke siddhaanton mein khuda ko ek maanate hue sabhee paigambaron ko ek maanana, hajarat mohammad ko aakhiree paigambar maanana pramukh hai . islaam dharm ka saar hai: “khuda ya eeshvar kee marjee par apane aapako samarpit kar dena .”
4. hajarat mohammad saahab ke chamatkaar:
mohammad saahab ne apane jeevan mein bahut-se chamatkaar kiye, jisamen unhonne buraee ko achchhaee mein parinit kar diya tha . is prakaar unhonne ek dusht mahila ka hrday parivartan kiya . jab hajarat mohammad saahab usake ghar ke paas se hokar nity gujarate the, tab vah mahila unake sir par kooda-karakat phenk detee thee .
ek baar jab ve vahaan se gujare, to unake sir par kooda-karakat nahin gira . aise mein hajarat saahab yah sochane lage ki aakhir baat kya hai ? unhen budhiya kee beemaaree ke baare mein pata chala, to ve usakee khair-khabar pata karane usake ghar gaye .
mohammad saahab ka itana achchha barataav dekhakar budhiya is kadar lajjit huee ki usane musalamaan dharm grahan kar liya . usaka naam ajamad tha . is tarah badar ke yuddh mein anek kuraish yuvak mohammad ka sir kaatakar laane ka sankalp kar chuke the .
daasur naamak ek kuraishee jab ped ke neeche soye hue hajarat mohammad par chupake se hamala karane ke prayaas mein tha, tab achaanak hajarat ke mukh se allaah ka aisa svar nikala ki daasur unake pairon par gir pada aur unaka shishy ban gaya .
ek uddand vyakti unake ghar is aashay se aaya tha ki vah hajarat ko pooree tarah se pareshaan karake chhodega . isalie usane itana khaana khaaya ki hajarat to kya, ghar ke kisee bhee sadasy ke lie khaana nahin bacha . sabhee bhookhe pet hee so gaye the .
idhar adhik khaana kha lene kee vajah se us vyakti ko itanee adhik badahajamee huee ki usane sote-sote hee bistar kharaab kar diya . usake baad vah us sthaan se bhaag khada hua . subah jab hajarat saahab usake kamare mein gaye, to unhen vah vyakti nadaarad mila .
kamare kee aisee buree dasha dekhakar ve kamare kee saphaee mein lag gaye . vah yuvak apanee talavaar lene jab vaapas aaya, to hajarat saahab ko apanee gandagee saaph karate paaya . unake chehare par jara-see shee shikan tak nahin thee . vah uddand yuvak sharminda hokar unake charanon par gir pada aur apane kiye kee maaphee maangee .
5. upasanhaar:
islaam dharm vishv ke kone-kone mein phaila hua hai . is dharm ke anuyaayee hamaare desh mein bhee kaaphee sankhya mein hain . musalamaanon mein raajapoot tatha panjaab aur raajasthaan kee kuchh jaatiyaan bhee hain, jo is baat ka prateek hain ki is dharm ke kuchh shaasakon ne saamoohik roop se balapoorvak dharm parivartan karavaaya tha .
hindoo aur islaam hamaaree bhaarateey sanskrti mein is tarah rach-bas gaye hain ki donon ke kuchh reeti-rivaajon kee chhaap ek-doosare par padee huee hai . shiya aur sunnee do samudaayon mein bante hue is dharm mein kuchh roodhivaadee musalamaan hain, to kuchh udaravaadee . yah dharm shiksha, sanskrti ke kshetr mein bhee apanee unnati kee baat joh raha hain .
0 Comments