Madh e Fatima (sa) - New Manqabat Lyrics

● ● MANQABAT LYRICS ● ●

●Kabhi Aayat Ka Maqsad Madh e Khuwani Fatima Ki Hai

Kahin Wahie Illahi Tarjumani Fatima Ki Hai

●Koi Mushkil Ho , Inke Saamne Mushkil Nahi Rehti

Hai Ek Nad e Ali Aur Ek Kahani Fatima Ki Hai

●Tujhay Aey Hur Dar Jannat Talak Jo Lai Kay Ayi Hai

Karam Shabbir Ka Meharbani Fatima Ki Hai

●Mubarak Ho Tumhai Umm ul Baneen Kehnay Lagai Haider

Tumhara Ladla Ghazi Nishani Fatima Ki Hai

●Farishta Darzi Ban Kar Jore Lay Kay Agaya Dar Pe

Ayaan In Amar Say Moajiz Biyani Fatima Ki Hai

●Isi Main Woh Khafi Tha Aur Usi Se Hogaya Zahir

Khuda Jane Rida Kitni Purani Fatima Ki Hai

●Yeh Woh Zaat e Muqaddas Hai Jo Har Hujjat Pe Hujjat Hai

Jahan Kay Hakimo'n Par Hukmarani Fatima Ki Hai

●Bataya Khutba e Zehra Nay Yeh Darbar Main Mohsin

Yeh Quran Dr Haqeeqat Paish Khuwani Fatima Ki Hai