New Manqabat 2021 | Main Bulbul Us Bagh Ka Hun Lyrics in Urdu

میں بلبل اُس باغ کا ہوں

میں بلبل اُس باغ کا ہوں  

جس کی شاخیں ہیں نورانی

میں بلبل اس باغ کا ہوں

پھول ہیں جس کے سب لافانی

میں بلبل اس باغ کا ہوں

ہاں عطرِ توحید سے مہکی جس کی ڈالی ڈالی ہے

پیغمبر کو پالنے والا بندہ اِس کا مالی ہے

جس کو دیا عمران نے پانی

میں بلبل۔۔۔۔۔۔

ایسے ویسے گلشن کو میں کیسے نظر میں لاؤں گا

بچھڑوں گا اُس باغ سے جس دن جیتے جی مر جاؤں گا

جنت ہے جس کی دیوانی

میں بلبل۔۔۔۔۔

زہرہ روزوشب کرتی ہیں تسبیح وتہلیل جہاں

لیکے اجازت خود آتے ہیں چوکھٹ پر جبرئیل جہاں

جس میں ہوائیں ہیں قرآنی

میں بلبل۔۔۔۔۔ ۔

لکھا ہے توحید کا کلمہ جس کے پتے پتے پر

قدرت نے نقاشی کی ہے جس کے بوٹے بوٹے پر

جس کی خوشبو ہے لاثانی

میں بلبل۔۔۔۔۔۔

جنت کے رہنے والے خود جس کے اوپر مرتے ہیں

کوثر اور تسنیم جہاں پر سجدہ ریزی کرتے ہیں

جس کا موسم ہے وجدانی

میں بلبل۔۔۔۔۔

رات و دن آیات کے لب پر جس کے قصیدے رہتے ہیں

جس کی خوشبو ہے سوروں میں سارے پیمبر کہتے ہیں

ہے جس کی قرآں میں کہانی

میں بلبل۔۔۔۔۔۔

روز جہاں معصوم فرشتے کارِ خیر کو آتے ہیں

جنّت کے رہنے والے خود جس کی سیر کو آتے ہیں

شام و سحر جس کی ہے سہانی

میں بلبل۔۔۔۔۔۔

لمحہ لمحہ بس جس میں ایمان کی باتیں ہوتی ہیں

ذکرِ وحدت چلتا ہے قرآن کی باتیں ہوتی ہیں

جس میں غذائیں ہیں روحانی

میں بلبل۔۔۔۔۔۔۔

روزے محشر ساری دنیا میرا جلوہ دیکھے گی

چوده معصوموں کی سفارش میرا رستہ دیکھے گی

جنّت چومے گی پیشانی

میں بلبل۔۔۔۔۔

عامرؔ اخترؔ کیسے نہ اپنی قسمت پر میں ناز کروں

زیب مجھے دیتا ہے اگر میں اترا کر پرواز کروں

جس کی کرے خالق نگرانی

میں بلبل۔۔۔۔