JAFAR (AS) KA JANAZA NOHAY LYRICS
Haye Jafar-e-Sadiq (x2)
Kazim utha rahe hein Jaffar ka janaza
Haye Hussain keh kar aansu baha rahe hein
Taboot ko utha kar, jitne qadam barhaaye
Har ek qadam pe unko, Sajjad yaad aaye
Aabid ki bebasi ka, nauha suna rahe hain
Kazim utha rahe hein Jafar ka janaza
Mansoor ne ghiza me, zehr-e-jafa diya tha
Mazloom ke badan par, jiska asar huwa tha
Aflak se malaik, purse ko aa rahe hein
Kazim utha rahe hein Jafar ka janaza
Nikla dahan se bahar, haye jigar jo kat kar
Khoon rang ho gaya tha, maula ka mere bista
Manzar ye ehle dil ke, dil ko dukha rahe hein
Kazim utha rahe hein Jafar ka janaza
Haidar se dushmani ye, ab tak nahi ruki he
Maula Hasan se le kar, Jafar tak aa gayi he
Har ek charagh-e-zehra, zalim bujha rahe hein
Kazim utha rahe hein Jafar ka janaza
Aulad-e-Sayyada me, aysa he ye janaza
Jisme Madine waley, dene ko aye pursa
Ehle Madina sare, ye gham mana rahe hein
Kazim utha rahe hein Jafar ka janaza
Jafar ke zehn me bhi, Kazim ka he janaza
Mayyat utha ne wala, waris koi na hoga
Zere kafan bhi Jafar, khoon rote jaa rahe hein
Kazim utha rahe hein Jafar ka janaza
Salman aur Mesum, dekha ye khwaab aksar
Bad-e-zahoor-e-Maula, Mehdi baqee me aa kar
Zehra ka aur inka, Rauza bana rahe hein
Kazim utha rahe hein Jafar ka janaza...
Post a Comment