Roomal e Syeda (sa) | Syed Meesam Ali Mehdi | Manqabat Bibi Fatima (sa) 2023 | New Manqabat 2023
Video info :-
Manqabat Title | Roomal e Syeda (sa)
Reciter | Syed Meesam Ali Mehdi
Poetry | Syed Meesam Ali Mehdi
Composition | Janab Riaz Hussain (Dubai)
Chorus | Rizwan Mirza, Hasnain Mehdi & Shahrukh Abbas Khan
Audio Master & Mixing | Lawa Studio (Mesum Zaidi)
Video Editing | Raza Tirmazi
Creatives | SKM Designs (Syed Kazim Mehdi)
Roomal e Syeda (sa) | Syed Meesam Ali Mehdi | Manqabat Bibi Fatima (sa) 2023 | New Manqabat 2023
*Roomal-e-Syeda hoon Manqabat Lyrics*
Kya hai mera maqaam meri manzilat suno
Mere labon se aaj meri manqabat suno
Roomal-e-Syeda hoon main roomal-e-Syeda
Wo jin ko chooma karte thay Rab ke payaambar
Rehte hain ser jin se farishtay bhi arsh par
Chakki na jo chalaaen to shab ho na ho sahar
Likha jinhon ne Hur ka muqaddar bhi louh par
Ghazi ke aanay ke liye jin ko utthaaya hai
Un haathon se Batool ne mujh ko banaaya hai
Har ik Nabi ko Rab se alag mojeza mila
Paaya kisi ne lehn kisi ko asaa mila
In sab se barh ke mujh ko magar martaba mila
Aao tumhe bataaoon mujhe haq se kya mila
Kousar rasa hai jo wo rawaani hai mere paas
Ashk-e-gham-e-Hussain ka paani hai mere paas
Musa ke dabdabay se nawaaza gaya mujhe
Yusuf se aainay se sanwaara gaya mujhe
Maryam ki ismaton se sajaaya gaya mujhe
Qaabil tab is fareezay ke samjha gaya mujhe
Doobi hoowi lahu mein jo paati hain Zulfiqaar
Bibi mujhi se saaf karaati hain Zulfiqaar
Hoon faizyaab main bhi ataa-e-Batool se
Sarshaar hoon azal se wila-e-Batool se
Mujh ko na kam samajhna rida-e-Batool se
Kuch yoon mushaabihat hai kisa-e-Batool se
Tan do hon chaahay aik hee lekin mizaaj hai
Mujh mein bhi rakha zouf-e-Nabi ka ilaaj hai
Touqeer meri milti tah-e-khaak kis tarha
Meri bulandi chootay bhi aflaak kis tarha
Ismat mein reh ke hota main na-paak kis tarha
Meri tahaaraton ka ho idraak kis tarha
Sohbat mili jo chaadar-e-tatheer ki mujhe
Qurbat mili hai maadar-e-Shabbir ki mujhe
Har rijs-e-do jahaan se taahir hoon saaf hoon
Fitrat se jabr-o-zulm-o-anaa ke khilaaf hoon
Taaif bhi khud hoon aur mukammal tawaaf hoon
Kaabay si ik jabeen ki khaatir ghilaaf hoon
Nisbat hai Syeda se to ye ehtimaam hai
Meri wajah se Hur bhi alayhisalaam hai
Jab se ayaan hai dono jahaan par meri zia
Mujh ko tarastay reh gaey us din se ambiya
Taaron ki anjuman pe bhi daalo nazar zara
Hamsar nahi milega koi mere noor ka
Baandha gaya hoon jab se main Hur ki jabeen par
Suraj bana diya mujhe Sheh ne zameen par
Meesam azaa ke farsh ne bakhshi ye zindagi
Mehshar talak qaza na mujhe aaegi kabhi
Kaisi gham-e-Hussain mein rakhi hai dilkashi
Jis ne sada bahaar mujhe di hai taazgi
Sadiyon se misl-e-mashk-e-Sakina hara hoon main
Ashk-e-furaat-e-gham ki nami se bhara hoon main
کیا ہے مِرا مقام مِری منزلت سنو
میرے لبوں سے آج مِری منقبت سنو
رومالِ سیدہ ہوں میں رومالِ سیدہ
وہ جن کو چوما کرتے تھے رب کے پیامبر
رہتے ہیں سیر جن سے فرشتے بھی عرش پر
چکّی نہ جو چلائیں تو شب ہو نہ ہو سحر
لکھا جنہوں نے حُر کا مقدر بھی لوح پر
غازی کے آنے کے لئے جن کو اُٹھایا ہے
اُن ہاتھوں سے بتول نے مجھ کو بنایا ہے
ہر اک نبی کو رب سے الگ معجزہ مِلا
پایا کسی نے لحن کسی کو عصا مِلا
اِن سب سے بڑھ کے مجھ کو مگر مرتبہ مِلا
آؤ تمہیں بتاؤں مجھے حق سے کیا مِلا
کوثر رسا ہے جو وہ روانی ہے میرے پاس
اشکِ غمِ حُسین کا پانی ہے میرے پاس
موسیٰ کے دبدبے سے نوازا گیا مجھے
یوسف سے آئینے سے سنوارا گیا مجھے
مریم کی عصمتوں سے سجایا گیا مجھے
قابل تب اِس فریضے کے سمجھا گیا مجھے
ڈوبی ہوئی لہُو میں جو پاتی ہیں ذوالفقار
بی بی مجھی سے صاف کراتی ہیں ذوالفقار
ہوں فیض یاب میں بھی عطائے بتول سے
سرشار ہوں ازل سے ولائے بتول سے
مجھ کو نہ کَم سمجھنا ردائے بتول سے
کچھ یوں مشابہت ہے کسائے بتول سے
تن دو ہوں چاہے، ایک ہی لیکن مزاج ہے
مجھ میں بھی رکھا ضعفِ نبی کا علاج ہے
توقیر میری مِلتی تہِ خاک کس طرح؟
میری بلندی چھوتے بھی افلاک کس طرح؟
عصمت میں رِہ کے ہوتا میں ناپاک کس طرح؟
میری طہارتوں کا ہو ادراک کس طرح؟
صحبت مِلی جو چادرِ تطہیر کی مجھے
قربت مِلی ہے مادرِ شبیر کی مجھے
ہر رجسِ دو جہان سے طاہر ہوں صاف ہوں
فطرت سے جبر و ظلم و انا کے خلاف ہوں
طائف بھی خود ہوں اور مکمل طواف ہوں
کعبے سی اک جبین کی خاطر غلاف ہوں
نسبت ہے سیدہ سے تو یہ اہتمام ہے
میری وجہ سے حُر بھی علیہ السلام ہے
جب سے عیاں ہے دونوں جہاں پر مِری ضیا
مجھ کو ترستے رِہ گئے اُس دن سے انبیا
تاروں کی انجمن پہ بھی ڈالو نظر ذرا
ہمسر نہیں مِلے گا کوئی میرے نور کا
باندھا گیا ہوں جب سے میں حُر کی جبین پر
سورج بنا دیا مجھے شہ نے زمین پر
میثمؔ عزا کے فرش نے بخشی یہ زندگی
محشر تلک قضا نہ مجھے آئے گی کبھی
کیسی غمِ حُسین میں رکھی ہے دلکشی
جس نے سدا بہار مجھے دی ہے تازگی
صدیوں سے مثلِ مشکِ سکینہ ہرا ہوں میں
اشکِ فراتِ غم کی نمی سے بھرا ہوں میں
(سید میثمؔ علی مہدی)
0 Comments