اَشہَدُ اَنَّ وَحدَہُ لَا شَبِیہَ لَہ
آدمؑ کی اسی نام نے مشکل میں مدد کی
طوفان کی بلا نوحؑ پہ آئی تھی سو رد کی
یوسفؑ کو اسی نام نے زنداں سے چھڑایا
یعقوبؑ کو بچھڑے ہوئے بیٹے سے ملایا
اس نام نے ہی موسٰیؑ و عیسٰیؑ کو بچایا
اور بہرِ خلیلؑ آگ کو گلزار بنایا
تو بلند سے بھی برتر و بالا
بس بعدِ نبیؐ تو ہی اعلٰی
علیؑ علیؑ اولٰی
علیؑ علیؑ مولا
علیؑ علیؑ عالی
علیؑ علیؑ اعلٰی
رب اور نبیؐ کے بعد علیؑ افضل ہیں قرآں سے ثابت ہے
حیدرؑ ہی قرآں ناطق ہے قرآں خود قرآں صامت ہے
پیکر میں ڈھلے تو انساں علیؑ کردار میں ہو تو قرآں علیؑ
ولیوں کا ولی وصیوں میں وصی سب پیروں کا ہے پیر علیؑ
در حالِ نماز زکواة روا ایسا ہی سخی ہے امیر علیؑ
اعزازِ جہاں اک رازِ نہاں جانبازِ نبیؐ اے نازِ خدا
وہ کون ہوا حیدرؑ کے سوا دعوٰیءِ سلونی جس کا سخن
آقائے زمن مولائے من دانائے سخن رعنائے چمن
کوئی تجھ سا نہ عبد ملا ساجد بھی بنا مسجود ہوا
0 Comments